المبرمج المحترف

Every Thing About Windows Secrets .. Regisrty Secrets , Graphics , Programming , Hacking , Programs .


بسم الله الرحمن الرحيم
موضوعنا انهاردة حيبقا داخل التصميم ..حنصمم مع بعض نار او بركان
نبدأ بسم الله ونفتح الفوتو شوب اضغط هنا لتحميل اخر اصدار من الفوتو شوب..
بعد ما تنزل لبرنامج افتحة "ملحوظة" برنامج الفوتوشوب دايما بيبقا تقيل فى فتحه ف اصبر عليه شوية
المهم بعد ما يفتح
دوس على
File ==> new

حتظهر الشاشة دى

نختار المقاسات اللى عاوزينها
ونضغط

حتظهر شاشة لونها ابيض
زى كدا

ندوس على حرف ال D
عشان نغير الألوان للألوان الاساسية
او نغيرها بالماوس الى الابيض والاسود



بعد كدا ندوس على
Filter ==> Render ==> Difference Clouds




نلاحظ ان الشاشة بدل ما كان لونها ابيض بقا لونها بالشكل دا



نكرر الضغط على Ctrl+F كذا مرة لحد ما نوصل للشكل دا





وبعدين دوس على
Image ==> Adjustments ==> Gradient Map


حتظهر الصورة دى ..

دوس كليك شمال على تدرج الالوان

حتظهر الصورة دى


نختار الألوان اللى احنا عاوزينها ..وليكن اسود مع احمر واصفر متدرج عشان تدى شكل حلو للنار
زى كدا مثلا .

ملحوظة *
لتغيير الوان التدريج
ندوس ف حته فاضية تحت التدريج على طول زى كدا

حتظهر علامة زى العلامات اللى ف الجنب ندوس عليها مرتين
ونختار الالوان ..ولتغير الالوان اللى ف الجنب بنفس الطريقة ندوس عليهم مرتين حيظهر مربع نختار منه الالوان المناسبة





بعد ما نطبق اللى فات حنلاقى الصورة بقا شكلها كدا ...

ودى شوية تطبيقات ع الصورة



بكدا نكون ختمنا درس انهاردة..
مستنى رايكم ..
تحياتى


Thursday, December 04, 2008

روشن الديسك توب


بسم الله الرحمن الرحيم

موضوعنا انهارده مميز جدا جدا وانا بعتبره هديه منى ليكم بمناسبه عيد الاضحى المبارك

كل عام وانتم بخير

انا بهدى الموضوع دا لــ :

Smiley Rose وصديقتها
حسن حنفى
تظبيط
سفروته
ايمى
القاتل المحترف "أ/تامر الحسينى"
جيلان
حواديت بنات محتارة
وكل من يقرا البوست


انهارده حنخلى الجهاز يتروشن

حتقولو ازاى حيحط جيل

هههههههههه

لا حنخلى الديسك توب زى الصورة اللى جايه ..




دا الديسك توب بتاعى مع العلم انى بشتغل بويندوز اكس بى مش ليونكس او ماك

المهم يلا بينا نعرف ازاى انا خليت الديسك توب بتاعى كدا

ننزل برنامج Rocket Dock
من هنا
تسطيبه سهل مفهوش مشكله

حندوس على version 1.3.5 (6.20 MG)a
المهم بعد ما نسطبه حنلاقى الديسك توب كدا


حندوس علي البرنامج كليك يمين ونختار Dock Settings

وبعدين نختار من على الشمال Style وبعدين من Theme نختار Blank
زى الصورة اللى جايه


2- وبعد كدا نخفى ايكونات الديسك توب
ندوس كليك يمين ف اى حته ع الديسك توب ونختار
Arrange icon by >> show desktop icons
نشيل من جنبها علامه صح


كدا الديسك توب بقا بالشكل دا


3- ننزل برنامج Yahoo! Widgets
من هنا
وبعد كدا نشوف احنا عاوزين نحط ايه ع الديسك توب انا عن نفسى عاوز الساعه والنتيجه وشكل القمر وحاجات كتير

المهم لما ينزل البرنامج حيبقا شكل الديسك توب عامل كدا




ندوس على علامة الزائد اللى ف البرنامج

من فوق على اليمين




حنلاقى القايمه اتفتحت وبقت كبير

ندوس على اللى احنا عاوزينوا وممكن ننزل تحت كمان من السهم

اللى اللى على الشمال


عشان لو عاوزين حاجات تانيه ننزلها

المهم انا بعد ما اخترت الحاجات اللى عاوزها

ودوست عليها

حنروح جايين على ايقونه من تحت البرنامج وندوس كليك يمين ونختار Close Dock




حنلاقى الديسك توب كدا






المرحله اللى جايه بقا فنيات

حنشوف احنا حنحط الحاجات ازاى طبعا كل واحد ومزاجه

انا خليت الديسك توب يبقا كدا





ملحوظة :
لو احنا مثلا عاوزين نجيب القايمة اللى ف الشمال تانى ندوس على


الايقونه بتاعت البرنامج ونختار

Open Dock




لو عاوزين نشيل ايقونه من الايقونات اللى نزلناها

دوس عليها كليك يمين ونختار

Close widget



اظن كدا الدرس خلص

ياريت متنسونيش من دعواتكم وكل سنه وانتم طيبين

سلاموووووز