المبرمج المحترف

Every Thing About Windows Secrets .. Regisrty Secrets , Graphics , Programming , Hacking , Programs .

Thursday, December 04, 2008

روشن الديسك توب


بسم الله الرحمن الرحيم

موضوعنا انهارده مميز جدا جدا وانا بعتبره هديه منى ليكم بمناسبه عيد الاضحى المبارك

كل عام وانتم بخير

انا بهدى الموضوع دا لــ :

Smiley Rose وصديقتها
حسن حنفى
تظبيط
سفروته
ايمى
القاتل المحترف "أ/تامر الحسينى"
جيلان
حواديت بنات محتارة
وكل من يقرا البوست


انهارده حنخلى الجهاز يتروشن

حتقولو ازاى حيحط جيل

هههههههههه

لا حنخلى الديسك توب زى الصورة اللى جايه ..




دا الديسك توب بتاعى مع العلم انى بشتغل بويندوز اكس بى مش ليونكس او ماك

المهم يلا بينا نعرف ازاى انا خليت الديسك توب بتاعى كدا

ننزل برنامج Rocket Dock
من هنا
تسطيبه سهل مفهوش مشكله

حندوس على version 1.3.5 (6.20 MG)a
المهم بعد ما نسطبه حنلاقى الديسك توب كدا


حندوس علي البرنامج كليك يمين ونختار Dock Settings

وبعدين نختار من على الشمال Style وبعدين من Theme نختار Blank
زى الصورة اللى جايه


2- وبعد كدا نخفى ايكونات الديسك توب
ندوس كليك يمين ف اى حته ع الديسك توب ونختار
Arrange icon by >> show desktop icons
نشيل من جنبها علامه صح


كدا الديسك توب بقا بالشكل دا


3- ننزل برنامج Yahoo! Widgets
من هنا
وبعد كدا نشوف احنا عاوزين نحط ايه ع الديسك توب انا عن نفسى عاوز الساعه والنتيجه وشكل القمر وحاجات كتير

المهم لما ينزل البرنامج حيبقا شكل الديسك توب عامل كدا




ندوس على علامة الزائد اللى ف البرنامج

من فوق على اليمين




حنلاقى القايمه اتفتحت وبقت كبير

ندوس على اللى احنا عاوزينوا وممكن ننزل تحت كمان من السهم

اللى اللى على الشمال


عشان لو عاوزين حاجات تانيه ننزلها

المهم انا بعد ما اخترت الحاجات اللى عاوزها

ودوست عليها

حنروح جايين على ايقونه من تحت البرنامج وندوس كليك يمين ونختار Close Dock




حنلاقى الديسك توب كدا






المرحله اللى جايه بقا فنيات

حنشوف احنا حنحط الحاجات ازاى طبعا كل واحد ومزاجه

انا خليت الديسك توب يبقا كدا





ملحوظة :
لو احنا مثلا عاوزين نجيب القايمة اللى ف الشمال تانى ندوس على


الايقونه بتاعت البرنامج ونختار

Open Dock




لو عاوزين نشيل ايقونه من الايقونات اللى نزلناها

دوس عليها كليك يمين ونختار

Close widget



اظن كدا الدرس خلص

ياريت متنسونيش من دعواتكم وكل سنه وانتم طيبين

سلاموووووز

Friday, November 14, 2008

تغيير خلفية الفولدر


بسم الله الرحمن الرحيم


السلام عليكم ....إزيكم عاملين ايه ؟


انهاردة موضوعنا زى موضوع المرة اللى فاتت بدل ما نغير خلفية شريط الادوات حنعرف ازاى نغير خلفية الفولدر..


انا حشرح الاول الطريقة وبعدين حنشوفها فيديو مع بعض !


دا تطبيقى على الدرس



نسمى الله ونبدأ ...


اول حاجه نجيب اى صورة بس يكون امتدادها BMP


وبعدين نختار الفولدر اللى عاوزين نغير خلفيته ونحط فيه الصورة وليكن اسم الصورة Sky.Bmp


واسم الفولدر test مثلا ...


حنحط الصورة جوا الفولدر زى الصورة اللى جايه



وبعدين نفتح الــ Notepad عن طريق


Start >>All Programs >> accessories >>notepad


او نريح دماغنا وندوس ويندوز و R عشان نفتح Run.. او من ستارت نختار Run..


ونكتب فى Run.. "Notepad"


المهم بعد ما يتفتح الــ Notepad


نكتب فيه


[{BE098140-A513-11D0-A3A4-00C04FD706EC}]

Iconarea_image=sky.bmp


يلا نشرح الكود دا


اول سطر دا كود ثابت ملناش دعوة بيه .... اما السطر التانى


ف حنشرحه حته حته


اول حاجه

Iconarea

يعنى شكل الايقونة بتاعت الخلفية...

Image

بنختار شكل الايقونه انها تبقا صورة

Sky.bmp

الصورة اللى حتبقا خلفيه..طبعا ممكن نحط الصورة فى ال (E:) مثلا نروح كاتبين

Iconarea_image=e:\sky.bmp


يعنى مش شرط نحط الصورة ف نفس الفولدر بس الافضل ان احنا نحطها ف نفس الفولدر..

المهم

ندوس على File

وبعدين

Save

ونحفظه بإسم Desktop.ini كل دا باختصار شديد ف الصورة اللى جاية




وبعد كدا


نفتح الدوس


بطريقتين اما نفتح Run .. ونكتب cmd


او نفتح Run.. بردو بس نكتب command


مش حتفرق ..المهم بعد ما نفتح الدوس


نجيب اسم الملف


يعنى مثلا لو الملف فى ال (E:) نكتب cd e:


طب لو فى فولدر اسمه Pictures فى ال (E:) >> نكتب cd e: وبعد كدا cd pictures وهكذا ..


المهم حنعتبر الفولدر ع الديسك توب حنكتب cd desktop وبعد كدا نكتب

Attrib +s test


نشرح بقا الكود اللى فات

Attrib << طبعا باين من اسمه حتى جاى من كلمة attribute المهم دا بيغير خصائص الملف مثلا يخليه

Read-only



او Hidden او System

+s <<عشان نخلية System عشان يقدر يتعامل وييغير خلفية الفولدر

Test

>> دا اسم الفولدر اللى احنا بنجرب عليه

كدا احنا انتهينا .. كدا لو فتحنا الفولدر حنلاقى خلفيته اتغيرت..بردو الكلام اللى فات دا متلخص ف الصورة اللى جايه دى



وبعد كدا نفتح الفولدر اللى اسمه test ونخفى الصورة (sky.bmp) و التكست(desktop.ini) زى ف الصورة اللى جايه كدا




يارب يكون موضوع انهاردة عجبكم ....مستنى تعليقاتكم

عندى طلب صغير ..لالا طلبين


اول واحد تقوله رايكم ف الطريقة بتاعت الشرح انى اصور الشرح كدا احسن


ولا انى اعمل خطوة خطوة احسن ؟؟؟

الطلب التانى


ياريت كلكم تدعولى بالتفوق .. المذاكرة بقا وكدا عاوز الاقى القلم بيحل لوحده ف الامتحان...ههههههههه



سلاموووز


Saturday, October 18, 2008

Toolbar Skin Changer

بسم الله الرحمن الرحيم



وحشتونى ...بس انا على وعدى
كل شهر مرة


وموضوعنا انهاردة مختلف شوية .... موضوعنا انهاردة حيبقا عن شريط الادوات
اللى هو دا




احنا بقا مهمتنا نخلية كدا


حتقولى إزاى ؟

حقولك الأول الموضوع اختيارى يعنى براحتك انت عاوز تغير الخلفية او مش عاوز..


لو عاوز تغير الخلفية يا اما تتابع الشرح


يا اما تنزل لأخر البوست وتحمل البرنامج وتغير خلفية شريط الأدوات بسهولة


نسمى الله ونبدا



اول حاجه نفتح قائمة ابدأ ونختار تشغيل




Start ==> Run…

ونكتب Regedit




وبعدين ندوس على


حنلاقى ملفات النظام اتفتحت (Registry Editor)

نختار



وبعدين


وبعدين



وبعدين


وبعدين




وبعدين



وبعدين
ندوس عليه مرتين









*ملحوظة *

لازم الصور تكون امتدادها .Bmp

كدا يا بلاش

ههههههههه

عشان الخلفية متنفعش غير تكون Bitmap

والصورة بتاعت شريط الادوات حتبقا كدا فى الأخر


بكدا الدرس انتهى

كدا فاضل البرنامج


وحسيبكم بقا تفتكسوا مع نفسكم

البرنامج سهل الاستخدام

ومش محتاج شرح

*ملحوظة*

لو عاوز تشيل الصورة امسح المفتاح بس وهيا حتتشال
-*ملحوظة*-
الى اخى فى الله اخوانى حتى النخاع و د/ رامى سعدة
بجد انا ببزل قصارى جهدى فى ايميلكم المسروق
وياريت يا مصطفى تجيب كل البيانات
تحياتى
السلام عليكم

Monday, October 06, 2008

كل شهر مرة

بسم الله الرحمن الرحيم
فجأة كدا اخدنا اجازة الصيف وفجأة رمضان جا وفجأة العيد جا وفجأة المدارس جت ...
طب هنعمل ايه بقا ف البلوج واحنا مش فاضييين
سألت أ/تامر اعمل فيها ايه قالى اجرها مفروش
ههههههههههههه
حتوحشونى كلكم
انا بس بستأذن منكم يا جماعه انا حنزل بوست كل شهر ...معلش والله دا اللى فى استطاعتى دلوقتى
المذاكرة بقا مقطعه بعضيها ...واخدين بالكم
بس بجد حيبقا صعب انى اقعد نت بس ان شاء الله حبقا متواجد كل يوم خميس على الايميل
O.SpiderHack @yahoo.com
اه حبقا موجود من العصر لبليل ..اى خدمة
اى حد عاوز حاجه ياريت يكلمنى
اه نسيييت ياريت متنسونيش من دعواتكم كدا
بصوا عاوز وانا بذاكر كدا الاقى القلم بيكتب لوحده وحاجات كدا ...ههههههههههههه
ادعولى ان ربنا يوفقنى
استنونى كل شهر ها واوعوا تنسونى حموتكم
سلاموز

Saturday, September 13, 2008

وداعا للشاشة الزرقاء


بسم الله الرحمن الرحيم






قبل ما ابدا الدرس بتاع انهارده




حبيت اقول


Beating Heart

Heart Beatانى احبكم ف اللهBeating Heart
Love Struck

SmoochersKissing


يمكن فكرة الاعتزال دى جت ف بالى ومكنتش عاوزه تروح بس صدقونى انا معرفتش اسيبكم ..معرفتش مفتحتش المدونة ..معرفتش مفكرش ف موضوع جديد انزله ..معرفتش انساكم وانسى تعليقاتكم ..معرفتش اسيبكم كدا من غير ما اقولكم سبب الاعتزال

بس صدقونى انا اتغلبت على اى حاجه تقف قدامى انى ادون تانى بما فيها الدراسة ..


المهم بقا انا بتعذر لكم عن اللى فات وياريت نبدأ صفحة جديده

نبدأ بقا الدرس ..

وداعا للشاشة الزرقاء !!

مين منا كل شوية ينزل ويندوز عشان بتظهرله شاشه زرقا فيها كلام كتير كدا !...

مين كل اما ينزل برنامج معين تظهرله الشاشة الزرقا دى

اكيد ان مكنش كلنا يبقا اكيد معظمنا

دلوقتى تعالى نعرف هيا سببها ايه وحلها ايه إن شاء الله

نسمى الله ونبدأ

(1)


STOP: 0x0000000A



IRQL_NOT_LESS_OR_EQUAL






السبب : الرسالة دى بتظهر لما بيكون فى تعريفات Drivers مش متوافقه مع نظام التشغيل اكس بى أو فى فيروسات أصابت ملفات النظام .

العلاج : 1.أتأكد ان جهازك مفهوش فيروسات .


2.وتشيل أخر تعريف عرفته على الجهاز وحط بداله تعريف متوافق مع ويندوز XP


حتقولى ازاى وكل ما افتح الجهاز تطلعلى الشاشه دى ..


بص يا سيدى اول حاجه لما الجهاز يجى يفتح افضل دايس على F8 بعد كدا حتطلعلك شاشة سودا فيها اختيارات كتيرة ..اختار

Safe Mode



واستنه شوية حتظهرلك شاشة سودا مكتوب فيها من الاربع جوانب

Safe Mode


وحتلاقيه بيدخل ع الويندوز عادى وبعدين اعمل الخطوات اللى فوق .. واعمل ريستارت للجهاز

(2)
STOP: 0x0000001E
KMODE_EXCEPTION_NOT_HANDLED



السبب : الرسالة دى بتقول ان فى برنامج او تطبيق وصل الى الذاكره غلط

وممكن يكون السبب تثبيت تعريف Driver غير متوافق مع ويندوز XP .


العلاج : لازم تشيل اخر تعريف Driver حطيطه ع الجهازعلى الجهاز , ودور على تعريف تانى متوافق مع ويندوز Xp .



(3)
STOP: 0x00000050


PAGE_FAULT_IN_NONPAGED_AREA




السبب : احد البرامج أو التعريفات غير متوافقة مع ويندوز Xp .


العلاج : قم بإزالة أخر برنامج أو تعريف قمت بتثبيته .


(4)
STOP: 0x0000007B



INACCESSIBLE_BOOT_DEVICE




السبب: الرسالة دى بتظهر لما الويندوز ميقدرش يتعرف على اقسام الهارد ديسك (الأسطوانه الصلبه )ودا لما بنيجى نفتح الجهاز.
العلاج : عليك عمل اصلاح للويندوز باستخدام خاصية
Recovery Console


Recovery Console

طبعا حتقولوا يعنى ايه


يعنى ننزل ويندوز عادى بس بشرط لما يجى يطلب ان احنا نفرمت السى مثلا عشان ننزل عليها الويندوز بدل اما نضغط


F


نضغط حرف ال

R

كدا حيصلح الملفات البايظة ويرجع الويندوز احسن مما كان


(5)


STOP: 0x0000007F

UNEXPECTED_KERNEL_MODE_TRAP


السبب : بتظهر الرسالة دى لما بيكون موجود مشكله فى المكونات الماديه Hardware , وغالبا سببها عطل فى الذاكره RAM
أو نتيجه لارتفاع درجه حرارة المعالج
Processor

العلاج : أتأكد أن مروحة المعالج بتشتغل كويس ومش واقفه, وبعدين جرب شرائح ذاكره تانيه .
أو اعمل فحص للرامات ..وشغلها عند حد تانى شوفها شغاله ولا لا ..



(6)
STOP: 0x0000009F
DRIVER_POWER_STATE_FAILURE



السبب : الرسالة دى بتظهر لما بيكون فى مشكلة حصلت فى اخر مرة قفلت فيها الجهاز , وبيكون سببها تعريف أو برنامج مش متوافق مع XP وغالبا بتظهر فى الرساله اسم البرنامج أو التعريف اللى اتسبب بالمشكله .


العلاج : شيل اخر تعريف او اخر برنامج نزلته , ودور على تعريف متوافق مع XP .



(7)
STOP: 0x000000D1
DRIVER_IRQL_NOT_LESS_OR_EQUAL

السبب : بتظهر الرساله دى أثناء القيام بتثبيت ويندوز Xp وبيكون سببها مشغل Driver مش متوافق مع اكس بى .

العلاج : دور على كل تعريفات جهازك والمتوافقه مع ويندوز XP .




(8)
STOP: 0x000000EA
THREAD_STUCK_IN_DEVICE_DRIVER



السبب : بتظهر الرساله دى لما تيجى تركب كارت شاشة جديد مش متوافق مع ويندوز XP ,

أو بسبب تثبيت تعريف للكارت اللى عندك ومش متوافق مع إكس بى .

العلاج : عرف كارتة الشاشة من جديد بس بتعريف متوافق مع إكس بى ,

ولو متحلتش المشكلة دى يبقا ترمى كارت الشاشه ف اقرب اونيكس ولا خلاص مبقاش فى اونيكس ...المهم اشترى واحده جديده وريح دماغك .




(9)

STOP: 0xC0000218
UNKNOWN_HARD_ERROR



السبب : مشاكل فى الهارد زى الباد سكتورز أو لما بيتعرض لصدمه قويه .



العلاج : قم بفحص الهارد من الـ Badsectors

ب أى برنامج بيعالج الباد سكتور

وطبعا لازم الاول تدخل على النمط الأمن

Safe Mode

من

F8


(10)


STOP: 0xC0000221

STATUS_IMAGE_CHECKSUM_MISMATCH



السبب : بتظهر الرسالة دى لما بيكون فى عطل في ملفات النظام , وبتظهر ف الرسالة اسم الملف اللى سبب ف المشكلة

العلاج : خش ف خيارات بدء التشغيل بالضغط على مفتاح F8 فى بداية التشغيل


قم باختيار Last Known Good Configuration عشان تشغل الجهاز وفقا لأخر إعداد جيد معروف عند النظام .


أو ابحث عن الملف اللى سب ف المشكلة و شيلة ونزل بداله واحد جديد.


يارب يكون الدرس عجبكم


ومتزعلوش منى ..


مستنى تعليقاتكم


تحياتى