المبرمج المحترف

Every Thing About Windows Secrets .. Regisrty Secrets , Graphics , Programming , Hacking , Programs .

بسم الله الرحمن الرحيم


! موضوعنا انهارده بيتكلم عن تشفير الملفات من غير برامج

والدرس دا انا عامله للى اخواتهم فوضوليين و بيبوظوا اى ملف يقابلهم ويمسحوا اى حاجه تقف

فى طريقهم زى اخواتى الصغيرين كدا وبقدمه للى عنده حاجات مهمه مش عاوزحد يشوفها

غير هو بس ...بس بشرط انه يعمل تجربه الاول على ملف مش محتاجه يعنى بروفا كدا عشان

لو عملت حاجه غلط الملف مش راجع تانى .. !!

أولا : طريقة التشفير :.


نسمى الله ونبدأ انا مثلا عندى ملف اسمه NLP وعاوز اشفره عشان ف الملف دا حاجات مهمه تخص التنميه البشريه ومينفعش الصغيرين يلعبوا فيها ...

مثلا دا الملف



ندوس كليك يمين فى اى حته فاضيه فى نفس مكان الفولدر وبعدين نختار


New > Text Document




نسمى الملف بأى أسم وليكن Encoding




وبعدين نفتحه بالضغط عليه مرتين





ونكتب فيه



ren NLP OMAR.{645ff040-5081-101b-9f08-00aa002f954e} -1


ننقل الكود من غير 1-
نشرح بقا الكود دا



NLP دا اسم الملف اللى احنا عاوزين نشفره



OMAR دا حيبقا أسم الملف بس بعد التشفير وممكن نغيره براحتنا ونكتبه مثلا NLP زى ما كان



بس خلى بالك بعد كلمة OMAR فى نقطة زى دى "."



على فكره ممكن نغير OMAR ونكتب Recycle Bin



على أساس ان احنا حاطين الكود بتاع اليا سلة المحذوفات يعنى لما نفتح الفولدر حيفتح لنا سلة المحذوفات وممكن نغيرسلة المحذوفات


بالاكواد ودى بعض الاكواد



{208d2c60-3aea-1069-a2d7-08002b30309d} الكود دا لو احنا عايزين نخلى شكل الايقونه زى my network


و الكود دا نحطه بدل الكود الاولانى بتاع سلة المحذوفات اللى هو {645ff040-5081-101b-9f08-00aa002f954e}



مجلد لوحه التحكم control panel{21ec2020-3aea-1069-a2dd-08002b30309d}



سله المحذوفات recycle bin اللى احنا بنشرح عليه {645ff040-5081-101b-9f08-00aa002f954e}



نكمل
بعد ما كتبنا الكود اللى عاوزينو نختار File وبعدين Save As..




حتظهر الشاشه دى







نحفظ الملف بأسم

Encoding.bat

لازم نكتب bat .

حيبقا الملف النصى اللى احنا كتبناه شكله كده بعد الحفظ



نضغط عليه مرتين

حنلاقى شكل الملف اللى احنا عاوزين نشفره كدا




بدل لما كان كدا





جينا للصعب وهو ازاى نرجعه زى ما كان

فتح دماغك بقا ! عشان اى غلطه خلاص اقرأ الفاتحه على الملف اللى عاوز تشفره !

ثانيا: طريقة فك التشفير :



نضغط كليك يمين فى اى حته فاضيه " برده فى نفس مكان الفولدر اللى احنا شفرناه "
وبعدين



New > Text Document




نسمى الملف بأى أسم وليكن Key


نفتحه بالضغط عليه مرتين



ونكتب فيه


ren omar. {645ff040-5081-101b-9f08-00aa002f954e}NLP



نشرح الكود دا عشان دا اهم من اللى فات
ren

دى اصليه مش بتتغير
Omar

دا اسم الملف بعد التشفير اللى احنا لما كتبنا الكود المره اللى فاتت حطناه بعد NLP وكان الكود كدا


ren omar. {645ff040-5081-101b-9f08-00aa002f954e}NLP


المهم نكمل بعد omar لازم نحط نقطه "." يعنى كدا

Omar.{645ff040….}NLP


أما الكود اللى بعديه دا




{645ff040-5081-101b-9f08-00aa002f954e}

دا بتاع سلة المحذوفات وزى ما قلت قبل كدا احنا ممكن نغيره *ارجع فوق عشان تعرف بقية الاكواد.

بعد كدا لازم نكتب اسم الملف بعد فك التشفير NLP يعنى نرجعه زى ما كان فى الاول * بس خلى بالك متخليش فى مسافه بعد الكود اكتب NLP على طول من غير مسافه


بعد كده نضغط على قائمة File ونختار Save As..

حيظهر مربع الحوار دا وبعدين نحفظ اسم الملف بأسم



Key.bat

ولازم نكتبbat.

حنلاقى الملف اللى حفظناه بقا بالشكل دا
نضغط عليه مرتين حنلاقى الملف اللى عاوزين نشفره بدل لما كان شكله


كدا


رجع للأصل كده

بس ممكن بقا عشان برده مفيش حد يلعب فى التشفير دا من الصغيرين نخفى الملفات بتاعت التشفير ودلوقتى حنعرف ازاى نخفى الملفات

نشوف الملفات الى عاوزين نخفيها زى كدا ونضغط عليهم كليك يمين ونختار
Properties





حتظهر بالشكل دا

نختار Hidden



وبعدين Ok



حنلاقى الملفات اللى عاوزه تتشفر اختفت



عاوزين بقا نرجعها تانى



نختار Tools > Folder Options..






حنلاقى مربع الحوار دا ظهر





نختار View وبعدين نختار Show hidden files and foldersوبعدين OK


حنلاقى الملفات ظهرت وبقت بالشكل دا





ولو عاوزين الفولدرات المخفيه متظهرش نختار Do not show hidden files and folders

يبقا الملفات حترجع لحالتها الاولى

اتمنى ان الدرس دا يعجبكم ولو حد عنده اى استفسار ياريت يقوله انا فى انتظار تعليقاتكم




By OMAR MOHAMED

50 يا تعلق يا تتعلق ؟؟!!:

Mafrousa said...

ماشاء الله
ايه المخ ده
انت اللي فكرت فى ده لوحدك؟؟؟
ديه اختك مفروسة بكبيره
تعرف تسيف ملف
يادي الخيبه
اقولك انا اجيب كمبيوتر لوحدي احسن اشيل فيه اللى انا عاوزاه

حسن حنفى said...

بسم الله ماشاء الله

ربنا يبارك فيك

تقبل مروري

واتمني دوام التواصل

:d

canary said...

دة انت لقطه يا بنى . استنى بقى ومتروحش فى اى مكان واستمر على هذا المنوال احسن بجد محتاجه اعمل التشفير اللى انت قولت عليه دة لأن اخواتى بيبهدلو الملفات
شكرا جدا على الخدمه دى وشكرا لمرورك

EMMY BABY said...

ههههههههههههه

انا ممكن اقتل اخواتى الصغيرين ونخلص بدل كل ده

لا بجد بس درس صعب وانت اسلوبك للشرح مبسط ماشاء الله عليك

ربنا يزيدك

تحياتى ياعمر

ايمى

ابن الإخوان والأزهر said...

السلام عليكم ورحمة الله وبركاته

الصراحة أنا لسه ماقرتش الموضوع

أصل أنا اخواتي محترمين وفي بينا تفاهم
شوفت بقى ياعم ، بس ايه رأيك في تفاهم دي

وان شاء الله حقراه علشان احتمال الغدر

وابقى طل عينا

Unknown said...

واحده مفروسه :
لالالالالا موش انا اللى فكرت فيه لوحدى يا مفروسه ....
هههههههه
وبعدين انتى كبيرك تشغلى الكمبيوتر مش تسيفى الملف .... ههههههه

ايه الحقد دا خمسه وخميسه

على العموم شكرا لمرورك

Unknown said...

حسن حنفى :

شكرا لمرورك الكريم يا ابو على عاوزين نشوفك كتيير

تحياتى

Unknown said...

canary :


شكرا ليكى يا كناريا على الكلام الحلو دا وياريت يدوم التواصل

شكرا لمرورك

Unknown said...

Eman :

ههههههه صح اقتليهم وادخلى السجن فيهم وتبقى ريحتينا ... ههههه

على العموم شكرا لمرورك يا إيمى

Unknown said...

ابن الاخوان :

اولا مرحبا بيك شرفتنى وشكرا لمرورك

وياريت يدوم التواصل
على فكره اذا كان اخوتك كدا ف انا اخواتى مش كدا خالص
ههههههه

تحياتى

mregypt7 said...

السلام عليكم
جرى ايه يا عم عمر بس
يا عم عن اهلها ما اتشفرت اعمل للملف اللى انت عايز تشفره ده هيدين وخلصنا على كده
بس انت ما عرفتش ايه اخر الصيحات فى التشفير لسه
اقولك انا ياعم دلوقتى بقوا بيستخدموا الشفره السريه ايون اللى هى عامله زى الحبر السرى
ايون كنا بنفك التشفير بالتسخين لكن هنا هنفك التشفير بالفرمته
لانه فى الغالب بيبقى فيروس هههههههه
ياعم عمر ربنا يكبر دماغك كمان وكمان لحد ما تعرفش تقلع التيشيرت ربنا يوفقك ويدخلك كليه الهندزه فعلا عقليه محترمه حتى لابسه منى جيب ههههههههههه
تحياتى ليك
الباش مهندس بوحميد

Unknown said...

ههههههههههههه

اى ياعم الحاج دا متفكك منى بقا ايه الاحباط اللى احنا فيه دا ...........ههههههههه


بدل لما تشجعنى وتقولى الله ينور انتا ماشى على الطريق السليم والكلام دا تقولى مش عارف أيه ...لما تفتح ايميلك بس شوف هعملك ايه........هههههههه

بقا دا تعليق روش بزمتك ..ههع هع هع

ماشى ع العموم شكرا لمرورك يا هندسه بقالك سنتين كل يوم تقولى ححطلك تعليق روش بقا دا روش ماشى يا عم

ادم المصرى said...

بجد الموضوع رائع واستفدت
منه

بسى كنت عاوزة اسال انت بتقول بعد عمر بنكتب علامه ثلاث نقط كده طيب بحثت عنها مش لاقيت العلامه ده بالكيبورد
على العموم انا بخفى الفلدرات واظهرها لكن الصراحه عمرى ما شقفرتها

انا هجرب وهرجع تانى بعد التجريب

\\


فاصل ونواصل بعد التجريب


تسلمووو عبقرينو الصغنون

بجد انت هيكون ليك مستقبل رائع بالتوفيق اخى

شهرزاد said...

درس جميل والله

بس عندي اقتراح ان الدرس الجديد يكون عن blogger skin
طبعا ده من بعد إذنك أصل مدونتك عجبتني جدا

ربنا يزيدك معرفة وعلم وإفادة

تحياتي

Unknown said...

همس الإحساس :

شكرا لمرورك

انتى بتتكلمى على انهو علامه اللى بتكون موجوده ومش لاقياها فى الكيبورد لو ف الكود اعملى للكود كوبى وباست


بصراحه انا مفهمتش اووى انتى تقصدى ايه ع العموم حستنى بعد الفاصل وانتى تقولى بقا كان قصدك ايه

تحياتى

Unknown said...

شهر زاد :

من عونيا بس اعرف عاوزه تتكلمى عن ايه فى البلوجر سكين بالظبط وانا
اعمله بوست
وانا سبتلك تعليق وافى بالبلوج بتاعتك ياريت تقريه

تحياتى

MATRIX said...

درس رائع ..ولكن
انت عارف ان تشفير بنظام vbافضل بكثير من هذه الطريقة ؟؟ وانت عارف ان ممكن لو حد عنده شفرة فك وهى من نوع ثالث تو ان ثرى على هيئة باتش فيل patممكن بكل سهولة شديدة انه يفك الملفات دى ..وعلى فكرة فيه فيرس بيستخدم نفس الاسلوب من هذا النوع من التشفير علشان يكون مخفى ..ولكن فشلت تماما ..!!
على العموم الموضوع دا فعلا مهم للمبدا عشان اخواتهم هههههه
ولكن من احسن والمفيد تستخدم شفرة vbثرى ادشن وعمل الباتش به ..

وردشان smilyrose said...

درس رائع بجد

انت عارف دايما بتفدنى

بمعلوماتك الجميلة

مع إنى بستخدم برامج عديدة فى التشفير

ودا بسبب عملى لأنه مجالى

وربنا واعدنى بزملاء عمل دايما يدور

فى الملفات المخفية ويدعبسوا فيها

وكمان اخواتى فى البيت ربنا يخليهم لبابا

دايما لاعبين فى شغلى ومكنش عندى حل غير التشفير

لأن حت الباسوورد كانو بيضربوها بالبرامج الخاصة بيها

بس دايما ربنا يزيدك وتعلم الناس دايما

smilyrose

وردشان سابقا

ادم المصرى said...

عدنا بعد الفاصل الطويل

مبرمج

انا نفذت الى قلته
بسى فيه مشكله بعد لما تظهر علامه التشفير

واضغط عليها ذى ما قلت علشان يظهر مثلا شكل السله مش بيظهر شىء
مش عارفه السبب ايه
اما بالنسبه لاخفاء واظهار الملفات فده اعرفه بسى مشكور لتذكير اخويا

وبجد انا سعيدة بيك شد حيلك يا بطل وان شاء الله هتكون افضل

Unknown said...

Matrix :
على فكره يا ماتريكس التشفير دا ممكن يتفك بسهوله جداااا انت ممكن تفكه من غير برامج عادى جدا بس انا حاطه للناس الى م عارفين Vb والحاجات دى يعنى اهى طريقة جديده عجبتنى رحت حاططها

وعلى العموم شكرا ليك هو دا التعليق اللى مستنيه يبقا فيه نقاش وياريت كل موضوع تعمل كدا

تحياتى

Unknown said...

SmilyRose :
ههههههههههه

زمايلك دول ربنا يباركلهم انا بقا مش حخليهم ولا هما ولا البرامج ولا اخواتك يقدرو يفتحوا الفولدر ولا يمسحوه ولا حتى يغيروا اسمه ومن غير ما اعمله هيدن وبإذن الله حيبقا دا موضوع درس جاى
بس قولى ياااااارب :D

شرفنى مرورك بجد



وممكن اجيبلك برنامج جميل جدا بتشفرى بيه اى ملف بنفس الطريقة بتاعت الدرس دى وانا اللى عمله هيبقا هديه منى ليكى

تحياتى

Unknown said...

همس الإحساس :

يا همس بصى انا حقولك على شوية حاجات ممكن تكونى عملتيهم غلط

1- لم تبدأى ب " بسم الله " زى ما انا كاتب ف البوست عشان كدا مش عايز يتشفر او ممكن يكون الفولدر دا فيه .........؟؟ وربنا مش عاوزك تشفريه .... هههههههههه

المهم

2- اتأكدى ان الحروف بتاعت اسم الملف مفيهاش كابيتال وسمووول يعنى مثلا الملف اللى عاوز يتشفر اسمه HamsEl2e7sas
يبقا ف الكود نكتبه زى ما هو مينفعش نكتب hamsel2e7sas

3- متخليش فى مسافه بعد اسم الملف والنقطه يعنى كدا
HamsEl2e7sas.{45----- >>to the end}

من غير مسافات

4- فى الكود بتاع فك التشفير متسبيش مسافه بعد الكود اكتبى اسم الملف بعد التشفير من غير مسافات خالص
يعنى كدا

ren HamsEl2e7sas.{4835...... }Hams
من غير مسافات

5-
اتاكدى فى كود التشفير انك كتبتى اسم الفولدر مرتين زى كدا

ren HamsEl2e7sas Hams.{4678......}

ولازم تخلى فى مسافه مابين اسم الفولدر والاسم بعد التشفير

8-ممكن بدل ما تكتبى التشفير او كود التشفير فى الورد باد

افتحى Start>>> Run

واكتبى

Cmd
حيفتحلك الدوس اكتبى فيه
ren NLP OMAR.{548.........}
ودوسى انتر
حتلاقى الملف اتشفر بإذن الله
وعشان تفكى التشفير

ren OMAR.{28........}NLP

لاحظتى ازاى عمر لازقه ف النقطه وان
NLP برده لازقه ف القوس


9- لو مفيش حاجه حصلت من اللى فوق

10-بإذن الله حبعتلك البرنامج

11- لو عندك ايميلى سجلينى وابعتى رساله اوف لاين قولى فيها همس الاحساس وانا هبعتلك البرنامج على طوووووول



12- تحياتى

dina said...

موضوع جميل و الله...كمل فى السكة دى و انت ان شاء الله حتبقى اجمد مبرمج و ترفع راسنا كدا
تحياتى

Mohamed Nagah said...

ربنا يوفقك

بجد مدونه عجبتنى اوى

وانا عاوز اتعرف عليك ولو فى عندك وقت تشتغل معايا على النت اوك
حاول تكلمنى على الميل
m.nagah80@yahoo.com

TIMMY !! said...

ماشاء الله

ألف شكر ليك يا باشمهندس إن شاء الله

ايه الجمال ده ...

ربنا يكرمك و و يوفقك ..

Anonymous said...

نيجي بأه لأهم سؤال

نشفر ملف أصلا يعني ايه وليه بنعمله؟؟

احم احم

فيه حد هنا بيحدف طوب ولا ايه؟؟

مها ميهوووو

ابو صهيب ( الجمعاوي الاصيل)سابقاً said...

بارك الله فيك

Nada said...

ما شاء الله
مدونتك مفيدة جداااا
والبوست رووووعة

semsem said...

بجد الموضوع ده ولا هزار
بجد حاجه تفرح والله
ربنا معاك ويحميك بجد
انا شوفت بروفيلك
رغم ان سنك صغير بس عقلك بجد ........
ربنا يحميك ولله
اختك الكبيرة بقى سمسم
انا ضفتك عندي وف انتظار جديدك
وانا على بابا مدونتك اكيد

Unknown said...

دينا :

شكرا لمرورك وادعيلى كدا...


اه صحيح عملتى ايه ف موضوع الكلية والتنسيق ؟ ...

تحياتى

Unknown said...

دينا :

شكرا لمرورك وادعيلى كدا...


اه صحيح عملتى ايه ف موضوع الكلية والتنسيق ؟ ...

تحياتى

Unknown said...

Timmy :

شكرا لمرورك بجد شرفتنى وعلى فكره مدونتك جميله اوى وعجبانى ...


تحياتى

Unknown said...

مها ميهووووووو :

هههههههههههههههههههههه

أيه يا بنتى دا

تشفير يعنى عندك حد بارد ف العيله بيلعب فى اى فولدر ومش بيراعى حاجه وممكن يمسحو كدا زى المجنون وهو مش عارف بيعمل ايه " زى اخواتى :D "

والتشفير يمنع كدا

يارب تكون وصلت

هههههههههه

سلام

Unknown said...

الجمعاوى الاصيل :


جزلك الله كل خير وشكرا لمرورك

تحياتى

Unknown said...

nada :


ربنا يباركلك بس ياريت زيارتك تتكرر تانى ان شاء الله ... ومتبقاش اول مره واخر مره

تحياتى

Unknown said...

Semsema :

الموضوع بجد والله !
ههههههههه

ممكن نخلى الفولدر ميفتحش اصللا او تيجى تمسحيه ميتمسحش ... ايه دا الحاجات دى كلها موجوده ؟.؟
ايوا كلها موجوده ف حاجه اسمها كمبيوتر

تحياتى واتمنى متكونش اول واخر زيارة

TIMMY !! said...

شكرا على تعليقك يا باشمهندس .. إن شاء الله يعني :)

و أن مهندس ميكانيكا بور إن شاء الله .. بس لسه حديث التخرج :) ..

عقبال ما تدخل الكلية و تخرج منه اإن شاء الله انت كمان ..

بنت القسام said...

بسم الله
مجهود تشكر بجد عليه
ومع ان سنك صغير
بس ماشاء الله عليك
وفكرتك كمان حلوة
ربنا يكرمك ويحفظك يارب
تحياتى
جيلي كاستر

Unknown said...

جيلى كاستر :

شكرا ليكى على مرورك الجميل دا

شرفتينى

ويارب يدوم التواصل

Anonymous said...

السلام عليكم ورحمة الله وبركاته

كدا المدونات والا فلا
ماشاء الله ربنا يفتح عليك ويباركلك

عملت التطبيق و100% ناجح
انا مبتدئة في مجال البرمجة


احم احم
اللي فهمته انو المقصود هو تغيير شكل الملف من عادي الى الشكل المراد حسب الكود
صح الكلام؟!

طيب مش احنا لما ندوس كليك يمين على اي ملف ومن الخصائص نقدر نغير شكله!

ياريت حضرتك لو ينفع توضحلي ايه الفرق بين الحالتين


مدونة اكثر من رائعة لي عودة باذن الله لقراءة باقي البوستات

بالتوفيق

بنوته مجنونة said...

حلو جداا الدرس اوووي...اكيد ممكن احتاجه في يوم من الايام
ومدونتك روووعة بجد
احلي حاجة اني نفسي اعرف حاجات كتير في الكمبيوتر بس بكسل ادور...فانت عملت فيا خير
انا عندي علفكرة ملف بنفس الاسم التنمية البشرية....حطي فيه ابرهيم الفقي وطارق سويدان وصلاح راشد...بس انا معنديش اخوات صغيرين فمفيش قلق من ان حد يمسح الملف ولو كان عندي ومسحوه كنت رمتهم من الشباك علطول
الله يكون في عونك
ومرسي علي الكومنت بتاعك
اتمني يارب تعجبك الموضوعات ديما
واتمني اشوف مزيد من الموضوعات تكون جاامدة زي ده
البرمجة اللغوية العصبية...اوعدك ان في مرة هكتب عنها ان شاء الله...مادام بتحبها..انا مقرتش عنها...سمعت عنها شوية..بس مش كتير..فلما اقري او اسمع عنها اوعدك ان شاء الله هكتب كل اللي اعرفة
ومعلش طولت عليك
خالص تحياتي
مومو

Unknown said...

غير معرف :

اولا شكرا ليكى انك زرتى مدونتى المتواضعه دى ...

تانى حاجه ياريت لو حضرتك عندك مدونة تكتبيها عشان نشوفها كدا ونبص عليها بصه !

المهم ...

انا على فكره مبتدئى برده ف البرمجه بس بحب أقرء عنها كتيير ودا اللى بيولنى لكدا

المهم شكل الايقونه فعلا ممكن نغيره زى م انتى قلتى من الخصائص ....

ولكن هل اذا دخلنا الفولدر بعد ما غيرنا ايقونته حيفتح سلة المحذوفات او كنترول بانال ؟؟؟؟؟


هو دا الفرق ان الكود بيخلينا ندخل على سلة المحذوفات على طول ومش حتلاقى حاجه من الفولدر ذات نفسه موجوده ...

هو دا الفرق بقا ... ياريت اكون بعرف اوضح ... ولو فى حاجه تانيه انا تحت امرك ودا إيميلى
o.spiderhack@yahoo.com

Unknown said...

احلى حياة :


اولا شرفتينى

تانى حاجه ليه بتكسلى تدورى على كتب وتنزليها دا الواحد بيتمنى يكون عنده نت ف البيت عشان ينزل كل الكتب كلها
على العموم انا حديكى موقع جامد اوى

اهوت
www.kutub.info

ادخلى وعيشى حياتك مع اى كتاب

أظن عدانى العيب كدا... ههههههه





وبالنسبة لل NLP


انتى مش عندك اخوات اما انا عندى اخوات وولاد خالى وولاد عمى وكل العيال الصغيره اللى ف الدنيا ف بيتنا

تقدرى تقولى مسورة عيال صغيره ضاربه عندنا....ههههههههه

المهم الملف دا فى حاجات كتيير اوى يعنى دكتور ابراهيم الفقى ودكتور طارق سويدان
وتونى بوزان وشوية علماء اجانب كدا

وبجانب فولدر اسمه
لغة الجسد
Body Language

عشان انا بموت ف لغة الجسد ...

المهم انتى شرفتينى وبجد وانا مش زعلان ع التاخير المهم انك جيتى ودخلتى المدونة


تحياتى وارجو التواصل الدئم بيننا

أختكم فى الله said...

اول زيارة ليا لمدونتك الجميلة دى

ربنا يكرمك ويبارك فيك

تقبل مرورى

عاشــــــ النقاب ـقــــة"نونو" said...

السلام عليكم
ربنا يكرمك ويقدرك يارب على الخير
هستفيد واتواصل معك كثيرا باذن الله
كل عام وحضرتك بخير
تحياتي

نونو said...

مدونة تحفة
استفدت كتتتتتتتتتتتير جدا
حلو اوى
ممكن اقترح عليييييييك اقتراح
انك تنوى ان الدروس دى تكون صدقة جارية ليييييييك
هتفييييدك ان شاء الله
اى خدعة

حياتي كلها لله said...

السلام عليكم و رحمة الله و بركاته
فكرة مدونتك كلها هايلة المعلومات ده مفيدة بجد علي فكرة انا ضيفتها عندي في الفافوريت علي فكرة انا كنت بفكر آخد قرص هاردوير بس شكلي حكنسل الفكرة ده و الفضل يرجعلك طبعا....
شكرا

ساسو said...

كل سنه وانت طيب ياعمر ورمضان كريم
ماشاء الله عليك ربنا يحفظك ويحميك ويخليك لوالديك
وتحقق احلامك كلها ومتتخلاش عن اهدافك دي ولازم تحققها احنا محتاجين اللي زيك وان شاء الله قريبا نقولك يابشمهندس
ربنا يذيدك كمان وكمان

Anonymous said...

Play Betway App - YouTube
For all the games available, the betway mobile app is free and allows you to bet on a variety of sports including cricket, cricket, horse youtube video to mp3 racing, soccer

laeidle said...

Hotel Wyndham Las Vegas - Mapyro
Looking for hotel deals near the Las 안동 출장안마 Vegas 보령 출장샵 Strip, 동두천 출장안마 Las Vegas? At Mapyro, you can explore 영천 출장안마 all of the places that Las Vegas is today. 경상남도 출장샵