بسم الله الرحمن الرحيم
انهارده حنتكلم فى حاجتين ....
أول حاجه تاج جالى من حسن حنفى صاحب مدونة Sheva
انهارده حنتكلم فى حاجتين ....
أول حاجه تاج جالى من حسن حنفى صاحب مدونة Sheva
بينى وبينكم انا اساسا مكنتش اعرف تاج دى يعنى أيه ولا كنت حاطط ف دماغى انى اعرفها ...لعدة اسباب
أول سبب ان التاج دا على حد علمى لازم تجاوب عليه ف مدونتك وانا مدونتى كمبيوتر بس مش منوعه
يعنى مش ينفع اجاوب فيها حاجه تتعلق باى حاجه تانيه غير الكمبيوتر ...!!
تانى سبب ان التاج دا على حسب مااعرف يعنى بيتجاوب اول ما حد يهديه ليك ... وانا ساعاتى على النت قليلة يعنى مش ببقا فاضى انى
اشوف سؤال سؤال واجاوب عليه ..دا انا بحمد ربنا انى فاضى اكتب مواضيع
للمدونة ... هههههههههه
تالت سبب ... بينى وبينكم بيبقا فى أسئله محرجه وممكن لمااجى اجاوب عليها اكدب !
حتقولوا وتكدب ليه ؟...
حقولكم عشان ابين نفسى بصورة حلوه قدام الناس ....
المهم بعد كل الأسباب دى انا قررت انى اجاوب على التاجات بس بشرط
ان الأسئلة اول حاجه متكونش محرجه .....
وتكون الأسئله عاجبانى ... !!!
طب إزاى عاجبانى دى ؟؟؟
اقولكم انا .... يعنى تكون اسئله واضحة والاجابه تكون مفيده ؟؟؟؟
إزااااااااى برده ....
يعنى الأجابة اللى أجاوبها يستفاد منها ويتعلم من الأخطاء ويحاول يصلحها ....
قعدت الوك كتييير فوق ......ههههههههه
المهم دلوقتى نخش ف التا ج على طووول ...
س 1-أذكر 5 أحلام على الاقل تخص ماضيك وتحلم فيها بتغيير أشياء ماذا ستعدل وماذا ستترك ؟
احم احم ... طب وليه الكسوف دا ...
والله هو معظم احلامى من وانا صغير اتحققت !!!
1- يعنى مثلا فى ابتدائى كان هدفى انى اجيب فوق 99 % وادخل مدرسة اسمها د/محمد حافظ غانم ...
والحمد لله ربنا وفقنى وجبت 99.6 % ودخلت المدرسة اللى عاوزها .... يانهارى كل دا لسهبجاوب ف اول سؤال ... منك لله ياللى السبب
" ابو على " ههههههههه
2- كنت بحلم انى احفظ القرآن الكريم كاملاً ! وربناوفقنى وحفظت بعض اجزاء منه .... ولو ان كدا الحلم دا متحققش متقلقوش حاطه ف الخطه
ف السؤال اللى جاى ...واكيد مش حتخلى عن الحلم دا ف يوم م الايام
3- كان نفسى كل صحابى اللى معايا ف ابتدائى يفضلوا معايا لحد ثانوى ... بس الحلم دابعديه افتكرت ان احنا عايشين فى
مصر..........ههههههه وطبعا لازم الغى الحلم دا ...
4- اه كنت عايز ابقا ظابط وكل ما حد كان يسألنى وانا صغير عاوز تطلع ايه ياحبيبى
كنت اقولو " انا نفثى اكون زابط كبيييييل " يقولى ليه .. اقوله " عسان اضلب الناث الحلاميه
على أفاهم " ههههههههه كنت شرانى اووى ... بس طبعا كنت لثه صوغيل ومس عالف ايه
الثح من الغلط ............ههههههههههههه
لان نظرتى للحياه كانت على قدها وطبعا عاوزاعدل ف الحلم دا والغيه نهائى ...
5- المهم جيت وانا ف إعدادى –كبرت شويه – بقا هدفى انى ادخل مدرسة اسمها مبارك الثانوية للمتفوقين :d وتعتبر احسن مدرسة عندنا
وبتاخد من 90 % وما فوق وطبعا كان هدفى انى اجيب فوق 90% وبفضل الله جبت 94% ومستنى نتيجة التنسيق تظهر وبإذن الله داخل
مدرسة مبارك يعنى يعتبر اتحقق الهدف دا ..
اوعو تفتكروا المدرسة دى اسم على مسمى ... لالالا مكنتش دخلتها اساسا ..ههههههههههه
Yes خلصت اول سؤال!!
س 2-أذكر 5 أحلام على الأقل تخص مستقبلك ؟
بعد اذنكم مش حقول 5 احلام بس لكن حتكلم بتوسع شوية ....
1- اول حلم " ربنا يوفقنى واجيب مجموع فى ثانوية عامة وادخل كلية هندسة قسم كمبيوتر !! .... ايوا قسم كمبيوتر عشان الهدف يبقا
واضح ... وفى حاجه تانيه بخصوص الهدف دا
اى حد ممكن يدخل كلية هندسه قسم كمبيوتر بس الفرق ان حلمى دا ش انى ادخلها وبس لالالالا
ان انا اكون متميـــــــــــــــــــــــــــــز !!!
إزاى ؟؟؟؟
مهو اى بنى آدم ف استطاعته انه يدخل الكية دى والقسم دا بس انا لازم اكون متميز ولو مش حكون متميز يبقا مدخلهاش اساساً ومحطهاش
فى هدفى .... متنسوش زى ما قلت " التميز "
وعلى فكره المدونة دى خطوة من خطوات هدفى ...
2- بعد ما أدخل كلية هندسة قسم كمبيوتر إن شاء الله .. إدعولى ... هدفى بعد كدا انى اخد ماجيستير وبعد كدا ربنا يسهل واخد دكتوراه وزى
ماقلت لازم يبقا فى تميز
اه وطبعا ف الوقت دا إن شاء الله حكون خبط ....اقصد خطبت .........ههههههههه
3-بعد كدا حكون داخل الجيش ان شاء الله ... هدفى بقا بعد الجيش انى اشتغل فى شركة مايكروسوفت او شركة جوجل بإذن الله ....
إدعولى
طبعا بإذن الله حكون كتبت الكتاب ....... اه نسيييت انا ليا هدف برده انى اتجوز حد معين ....!!!
بس مش ينفع اقووول هو مين ؟؟؟ ..........ههههههههه
4- ليا هدف انى افتح مدرسة لتعليم الكمبيوتر للأطفال المهتمين بالكمبيوتر وحتبقا باسعار رمزية ... يلا اللى عاوز يحجز لاحفاده من دلوقتى يقول ... العدد محدوود .. هههههههههه
الهدف من كل دا طبعا انى انفع الإسلام والمسلمين وكل أهدافى مبنيه على كدا
5- ختم القرآن الكريم بإجازة مع ال 14 قرآة !!!! إن شاء الله
6- انى اكون مدرب تنمية بشرية واخد ماجيستير ودكتوراه ف ال NLP وبالذات فى لغة الجسد Body language
7- اه نسيييت بحلم انى اخترع لغة برمجة جديده او حاجه جديدة فى مجال الكمبيوتر وعلى فكرة انا حققت جزء من المائة من هدفى دا
" و عملت ويندوز جديد " ... ودا اول الطريق
8- فاضييين ولا وراكوا حاجه ... ؟؟ أكمل يعنى ولا اتخنقتوا وبتقولوا كفايه ؟؟؟
انا سامعكم بتقولوا والله ما احنا داخلين المدونة دى تانى .........هههههههههه
على العموم كفاية كدا عشان ادخل ف درس انهاردة وهو عن كيفية تشغيل الماوس عن طريق الكيبورد لو مش عاوز تقرا الباقى انزل تحت
بالماوس
انا حقولكم خلاصة اللك اللى فوق دا
ببساطة ..
بحلم لو عاد الإسلام يحكم من تانى ويخلى صحارى الاوطان خضرة وامانى
بحلم لو نسمة ايمان هزت اركانى يـــــجى البدر ويطــوى الليل حسن ربانى
بجلم ان العدل يسود عدل عمر وجنوده اسود
وكل الأحلام دى من خلاصة تجربة 15سنه ايوا من خلاصة تجربة انا عايشها لان عندى 15 سنه واكيد كل يوم الاهداف والاحلام بتتغير
ونظراتى للحياة بتختلفبس اللى قلته دا هو الاساس واكيد اللى جاى حيبقا متضاف عليه .. يعنى من شوية كنت عاوز ابقا زابط عسان اضلب
الحلاميه على أفاهم .......هههههههه
جينا للسؤال التالت
س 3-أذكر شخصين على الأقل متواجدين في حياتك حاليا .. كنت تود وجودهم قبل الآن بزمن ؟
هما فى 3 شخصيا اتنين ف الاول و واحده ف الاخر
الاتنين هما
نوران صاحبة مدونة سكوب وحبة صمت ... و إيمى (إيمان ) صاحبة مدونة غلطة مطبعية
اما الشخصية التالته هيا ياسمين صاحبة مدونة ارض الاحزان
س 4-أذكر شخصين على الأقل غير متواجدين في حياتك حاليا .. كنت تود وجودهم الآن أو في حياة أولادك مستقبلا ؟
الرسول .... وسيدنا عمر بن الخطاب لانى بجد بحب الرسول وسيدنا عمر بن الخطاب وانا بشكروالدى او والدتى انها سمتنى عمر لانى
بفتخر بالأسم دا بجد ... بس الحلم دا مستحيل يتحقق ف الدنيا لكن ..
"لهم فيها ما يشاون ولدينا مزيد" صدق الله العظيم
اهم سؤال واخر سؤال ؟؟؟؟؟؟؟؟
س 5-لمن تهدي هذا التاج ؟
اولا مش عاوزحد يزعل منى دا عشان اول تاج انا بهديه ل 2 بس اما المره اللى جايه اكيدمش حنسى حد
بهدى التاج دا ل نور ول إيمى
واستحالة ميجاوبوش عليه ...هههههههه
ياااااااا الواحد عرق من كتر الكتابة
سيبك م اللى فات دا .... نخش ع الدرس على طول
نبدأ درس انهارده بقا ... متخافوش مش حطول عليكم هو درس صوغنن وجميل ...
مقدمة لا بد منها ..
مين منكم مره الماوس علق منه ومش عارف يعمل أيه ؟؟؟؟
انا ... مره الماوس حلف انه ميشتغلش ولا ينور ولا يتحرك و لا يعمل اى حاجه وكنت بعمل حاجات مهمه و فى وقت مينفعش حتى انى
انزل اجيب ماوس! ... يعنى من النهايه عايز حل دلوقتى وبسرعه !!
قعدت اقول اعمل ايه يا واد يا عمر اعمل ايه يا مبرمج قلت لنفسى دا انا عندى ويندوز اكس بى يبقا اكيد فى حل ... المهم لقيت الحل !
وهو انى اشغل الماوس عن طريق الكيبورد !!!
دلوقتى حتقولوا عمر اتجن وبدأ يخرف ....ههههههههه وتقولوا طب إزاااااى ؟؟؟
لالالا انا مش اتجنيت ولا الحاجه وحثبت دلوقتى ... يلا اعمل الخطوات اللى جايه وانااخليك تحرك الماوس عن طريق
الكيبورد !!!.....لا سحر ولا شعوذة
نسمى الله ... ونبدأ
نفتح كنترول بانال ؟؟؟ .... طب إزاى
اهدى منا حقول اهوت ...
نختار
Start >> Control Panel
نسمى الله ... ونبدأ
نفتح كنترول بانال ؟؟؟ .... طب إزاى
اهدى منا حقول اهوت ...
نختار
Start >> Control Panel
وبعدين نختار Accessibility Options حتظهر الشاشة دى
وبعد كدا mouse
وعلم علامة صح على Use MouseKeys
وندوس Ok
ملحوظة لو عايزين تغيروا فى الخصائص اختاروا settings
حتقدروا تتحكموا ف سرعة الماوس ومثلا عاوزين تخلو الماوس يشتغل عن طريق الكيبور لما تكون لمبة ال Num Lock مفتوحة
ولا مقفولة ....إلخ
بس كدا نتحكم ازاى بقا ف الماوس عن طريق الكيبورد بالطرق اللى جايه
- = بتشغل الكليك يمين
/ = بتشغل الكليك شمال
5 = كليك
صفر = سحب , 5 = إلقاء
6= للتحرك يمينا
4= للتحرك يسارا
8= للتحرك للأعلى
2= للتحرك للأسفل
+ = كليك يمين
كل الحاجات دى اظن بتاعت الماوس
* ملحوظة كل اللى قلت عليه دا من لوحة الارقام Keypad الموجوه على يمين لوحة المفاتيح
ها فى حاجه تاينه عاوزينها .... ؟؟؟ ما اظنش
انا بقا عاوز حاجه منكم " انكم تدعولى بظهر الغيب " ولو فى مشكلة او اقتراح متنسونيش من تعليقاتكم
وعلى فكرة الدعاء بظهر الغيب بيترد لك يعنى لو قلت يا رب يوفق عمر الملائكة حتروح ردا عليك وتقول ولك مثلة .....
تحياتى لكم ..........
51 يا تعلق يا تتعلق ؟؟!!:
im here because of few cents for you. just dropping by.
يمكن تكون اول زياره بس انا بجد سعيده بيهاا جدااا
حلو ان الانسان يبقى قدامه هدف فى حياتوو ويخطط ليه بالتفاصيل دى
ربنا معاك ودرس النهارده جديد واول مره اسمع عنه انا هجرب اعمله وهبقى اقولك عملت ايه
تحياتى
البنوته الشقيه
لينا
مممممم
شكرا علي اجابه التاج
كنت هزعل لو مش حليته
اجابات جميله
هااااااااااااااى مدونتك جامدة جدا ما ئاء الله ربنا يحميك لانى غاوية برامج جدا واسرار كمبيوتر
اما عن التاج الجامد انا شايفة انك طموح جدا ما شاء الله ربنا يوفقك ويسهلك امورك يارب
وحركة الماوس حلوة جدا جربتها
السلام عليكم
ما شاء الله لا قوة الا بالله
انت 15 سنة ؟؟
ربنا يبارك فيك يارب ويقويك ويعينك يارب امين
اجاباتك عفوية بس اد ايه حسيتها حقيقية ربنا يحقق لك امانيك يارب
بالنسبة لموضوع الدرس اللي في التدوينة ما تتخيلش اد ايه استفدت منه
ربنا يبارك فيك
مشكلتي هي ان الكيبوردلما بتعطل او بتبقى مفصولة عن الكمبيوتر
ما بيشتغلش اصلا ويبعت رسالة سودة تقولي شوفي الكيبورد
يا ترى لها حل لو كانت الكي بورد بايظة؟؟؟؟؟:)))
كل عام وانت الى الله اقرب
تحياتي
عزيزي المبرمج المحترف
اولا تحياتي ليك علي البوست الهايل
اولا بالنسبة للموضوع مرسي علي المعلومات القيمة علشان لو حصل وتعطل الموس عند الناس تعرف تتصرف
اما بالنسبة للتاج
فاحلامك عجباني قوي
وفيها حجات كتير ايجابية
بس عندي ليك خبر وحش
مفيش كلية هندسة فيها قسم كومبيوتر
ههههههههههههههههههههه
تخصصات كليات الهندسة هي
نظم معلومات
سوفت وير
او سيستم سوفت وير
هارد وير
ميكا ترونك
اتصالات
بالنسبة بقا لي ال nlp
فا انا احييك علي اهتمامك بالتنمية البشرية وبتمني تتابع موضوعتها علي مدونة انسان عاشق حر
وانا مش ناسي طلبك اني اعمل موضوع عن لغة الجسد
انا بحضر له من الان
وهيبقا في الموضوع هدية
عبارة عن كتاب مكتوب وبالصوت يشرح لغة الجسد عمله واحد من اهم المفكرين والمهتمين بالتنمية البشرية في العالم انتظره قريبا
تحياتي واتمني تحقق احلامك
ولو اني مستغرب من اهدائك الموضوع لنوري وايمي
بس هحترم اسرارك الخاصة
تحياتي
تامر الحسيني
انسان عاشق حر
Penny Stock tip :
???
i don't know , What u want ???
but i'll visit your site soon !!
i'm very pleasure because of your fantastic visit .....
thanks , keeb in touch
البنت الشقية ...
اول زيارة .... بس ياريت تتكرر
شرفتينى بجد وانا سعيد اكتر منك عشان حضرتك زرتينى فى مدونتى المتواضعه
وياريت تقولى انتى عملتى ايه فى الماوس والكيبورد ...
شرفتينى يا لينا
تبقئى تسلمى على عدنان ... ههههههه
حسن حنفى ...
ماشى يا خويا دبسنى انتا وانا اجاوب مفيش مشكلة بس حيجيلك يووووم يا ظالم
وحبعتلك تاج 20 سؤال كل سؤال تجاوب 5 اجابات وحظبتك تاجات ...
ايه ايه ايه ... لو مكنتش جاوبت كنت ايه ...
حتزعل هههههههههههه
يابنى انا مجاوب بمزاجى وعلى فكره فى ناس كتير بعتولى تاجات ومجباوبتهاش
بس عشان التاج عاجبنى بس ... ها مش اكتر
هههههه
سلام
Bery :
وعليكم السلام ورحمة الله وبركاته
هاااى 2
شرفتينى ويارب متكونش اخر مرة تزورينى فيها ...
طالما غاوية اسرار كمبيوتر انا مدونتى كدا .. كلها اسرار ..
تحياتى , وكل سنه وحضرتك طيبة
عاشقة النقاب ....
هههههههه والله جهازك دا ميه ميه
بيقولك شوفى الكيبورد .... ههههههه
هو ممكن تكون السلوك بتاعت الكيبورد من الكابل متنيه او فى سن مكسور ..
او ممكن يكون الحته اللى بيدخل فيها الجاك فيها سن مكسور قبل كدا ...
والحل لو ان السن مكسور انك تغيره يا اما تجيبى جاك جديد يا اما تجيبى كيبورد جديد
اصل معظم الكيبوردات صينى .. وتعبان يا قلبى
ف فى نوع كيبوردين حلوين اووى واحد غالى وواحد معقول
الاول اسمه trans-media
بيعمل حوالى 25 جنيه بس السعر دا هنا فى اسكندرية معرفش عندكم بكام ..
المهم والتانى غالى شويه وحقولك المميزات اللى فيه ...
اول حاجه فيه مكان تحطى فيه السماعه ومكان تحطى فيه ال USB
والزراير بتاعته touch
زى زراير اللاب توب بس احسن بكتيير
طبعا فى شوية زراير اضافيه يعنى مثلا زرار يفتح الايميل وزرار يفتح الريال بلاير والمديا بلاير
وزارر يفتح الانتى فيرس
وفى حاجات كتييير حلوه اوى
دا عندنا بيعمل حوالى
... اقول ولا بلاش ...
بيعمل حوالى 80 جنيه 70 جنيه حاجه كدا
بس حيعيش معاكى اكتر من 80 سنه لو حافظتى عليه ...
اما بالنسبه للشاشه السودا دى انا اول مره اسمع عنها ..
ممكن تكون مش سوده بس مش عارف المهم ممكن يكون انتى حاطه الكابل بتاع الماوس بدل الكابل بتاع الكيبورد
على العموم شوفى ولو كدا حقولك طريقه تشغلى بيها الكيبورد عن طريق الماوس !!
عاشقة النقاب .....
اخخخخخ نسيييت اقولك اسم الكيبورد التانى ...
اسمه X-Slim
او S-Slim
تحياتى
تامر الحسينى :....
شكرا ليك اول حاجه انك شرفتنى ...
تانى حاجه لا ميرسى على واجب ....هههههه
اما بالنسبه للخبر الوحش دا
ف انا مش ححط هدف على حاجه انا مش عارفها
انا حقولك على حاجه انا رحت كلية هندسه ودخلت قسم الكمبيوتر ذات نفسه واتفرجت على كل اللى فيه ...هههههه
اما بالنسبه ان مفيش قسم كمبيوتر ف ممكن يكون عندك بس
لكن فى اسكندرية فى قسم كمبيوتر وكمان ابن خالتى فيه ...
معرفش بقا انت بتحبطنى ولا ايه ....
هههههههه
طب قولى فكر ف قسم تانى ولا حاجه ..ز او قولى فكر فى حاسبات ونظم معلومات ... لكن تقولى مفيش دا يبقا احباط .. ههههههههه
على العموم شكرا ليك بس انا بأكد عليك ان عندنا فى قسم كمبيوتر ف اسكندرية... ومش عندنا الاقسام اللى بتقول عليها دى خالص ..
وبالنسبة للتنمية البشريه انا هارى مدونتك وقريت فيها كل حاجه ..
ومستنى لغة الجسد
على احر من الجمر
................................
وسامحنى انى اهديت التاج لنور وإيمى بس
بس صدقنى انا ليا هدف من كدا ...
ومش حنساك المره اللى جايه بإذن الله
والله العظيم بجد اولا المفدمة ضحكتنى لذيذة كدة وتلقائية
ثانيا اجابتك على التاج بجد جميلة جدا جدا وانا عند رايى انك سابق سنك
ثالثا ياسيدى انا عندى كتب تنمية بشرية ولغة الجسد هبقى ابعتهالك
رابعا بقى بجد الف الف شكر على الاهداء انا مش عارفة اقلك ايه
خامسا برضه شكرا على انك اخترتنى انا ونور الشحصين اللى كان نفسك يكونوا فى حياتك من زمان
سادسا احنا بجد بنعتبرك اخونا الصغير وربنا يوفقك
سابعا ادرس ده بجد انا كنت محتاجها دانا كنت بعانى من المشكلة دى
يابنى دانت والله بتحط بوستات فظيعة بكون فعلا محتاجها
ربنا يوفقك كدة وتحقق كل احلامك ان شاء الله
تحياتى
ايمى
السلام عليكم
ازيك يا اخويا الصغنطط
ياربيييييييييييييييييييييييي ع التلقائية اللي انت فيها
ظهرت في البوست ده
لا وفضلت اضحك كتير جدااااااااااااااااااااااااااااااااا علي نفثي اكون ظابط كبييييييييييل
هههههههههههههههههههههههههههههه
.......
ربنا يحققلك احلامك يارب
وتبقي مهندس كمبيوتر قد الدنيا
قال ظابط كبيل قال
ههههههههههههههههههههههههههه
.........
وشكرا علي كلامك عني انا وايمي ..ومتشكرة ع التاج
:)
نشيت اقولك ان موضوع الدرس كنت عايزاه من اسبوع عشان المشكلة دي حصلت عندي
وانا اساسا بتعفرت لما الماوس تعلق عندي
بس ده ميمنعش اني استفدت
شكرا علي دروسك الجميلة دي
:)
السلام عليكم ورحمة الله وبركاته
هى اول مرة اعلق عندك بس مش اول مرة اقرا مواضيعك
فعلا ان شاء الله هتبقى متميز
بس دايما ما تنساش النية والاخلاص
انت بتفكرنى بمدونة بحبها جدا وصاحبها من سنك وطموح زيك اسمها اخوانى حتى النخاع وده الرابط بتاعها لو تحب تزوره وتتعرف عليهhttp://ikhwangeeee.blogspot.com/
وعلى فكرة احنا قريبين جدا من بعض
يعنى انت كنت فى حافظ غانم وانا بقى فى فاطمة الزهراء يعنى مدرس
بس انا مش قدك فى الكمبيوتر يا عم
انا استفدت من الدرس بتاع فتح الايميلات
وليا سؤال نفس تجاوبنى عليه
يعنى ايهip adress glosary
,ويعنى ايه بروكسى
ويعنى ايه بصمه جهازك
الاسئله دى عايز اعرفها
هل كل جهاز ليه رقم على النت
وهل تقدر تعرف اللى بيعلقوا عندك
بمعنى لو واحد كتب اكتر من تعليق عندك وكل تعليق حطه بس بتوقيع معين مختلف عن غيره يعنى مرة يحط اسم مدونته او يدخل غير معرف او توقيع اخر
هل تقدر تعرف ان هو ده نفس الشخص مع اختلاف توقيعاته
مش عارف قدرت اوصلك اللى عايزه ولا لا
بس انا سعيد جدا بمدونتك وبموضوعاتك
واتمنى ربنا يكرمك وتحافظ دايما على تفوقك
على فكرة مبارك دى كانت مدرستى الثانوية
اخوك محمد
انا جيت زي ما وعدتك اهو
وبردو هقولك رأيي بمنتهى الصراحه في اجابات التاج زي ما وعدتك
ماشي
بس الاول بالنسبه للدرس ميرسي على المعلومه وهبقى اجربها
نيجي بقى للتاج
امممممممم
واضح جدا انها افكار حد عنده 15 سنه ومش قصدي تريقه والله
بس وانا فى سنه كان عندي افكار زيها بالظبط - انا مش عجوزه اوى -
انااكبر منك ب 4 سنين بس
بس عامة بتمني انك تثبت على افكارك دي لانك بمجرد اما تعدي ثانوي هتلاقي دنيا تانيه خالص خالص غير اللى بتفكر فيها مش لأي عيبمنك بس لحاجه اصطلحو على تسميتها بالواقع
انا مش متشائمه ولا بحبطك
انا لسه عندي لحد دلوقتي امنيات كل الناس بتقول عليها مستحيله بس مجرد الحلم مش كفايه والامنيه مش بس تتمناها هتتحقق
اتمسك بأحلامك وماتسمحش لحد ولا لحاجه انها تغيرك او تكسر احلامك
عايزه اقول كلام اكتر من كده بس مش عارفه اركز هبقى اقولك اللى عايزاه بعدين ان شاء الله :)
السلام عليكم..
كويس انك اجبت على التاج .. :)
لانى فعلا بقعد بالشهر استنى بوست ...
:)
انت بتقعد ساعات قليله على النت ..امال مااشااء الله جايب كل الخبرات دية منين..؟؟؟
:)
بس تعرف انت انسان نادر انى الاقي حد حد زيك...مااااشاااء الله حامل هموم امتك ووطنك ..وده مش مانعك من التقدم والتميز ...
بجد بجد فرحتنى جدااا باجاااباتك الرائعه ..اول مرة احس انى عاوزة اقرا التاج مرة واتنين ...وعشرة
لان اجاباتك جميييله جدااا
وحكاية الكليه دي ..انا قرات مرة استاذ بيقول لطالب عند:مش لازم تجيب مجموع قد كده وتدخل كليه ومتفلحش انشا الله تدخل كلية الحمير ..بس تكون اشطر حمار ...هههههههه
انشاء الله هتكون اشطر حمار مش كده ...ههههه..بهزر
بجد ربناااااا ياااارب يوفقك للخير ويسرلك كل طرق الهداية ..وتحقق احلامك الغاليه والجمييييله دية..بدعيلك من كل قلبي ان ربنا يوفقك ويرزقك الثبات على هذه المبادئ
ويسيدى خبر 15سنه ...ماااشااء الله ...ههه محسسنى اني قاعده في تقديم وظائف ..
وااااه صح ..ربنا يرزقك البنت اللي تتمناها ..ويااااحظها اللي هتلاقي انسان بنفس طموحاتك واحلامك..بس ربنا يعينها برده لانها لازم هتتعب معاك ..(وراء كل رجل عظيم امراء )متنساش المثل ده
:)
============
ندخل بقه على الدرس ..الدرس ده كان نفسي فيه من زماان
اقلك ليه ..لان ماما بتاخد الموس معاها اما تيجي تنام عشان مشغلش الجهاز واسهر
وببقى نفسي افتحه بس مش عارفه اتحكم
فده حل ممتاز للمشكله دي ..ههههههه
بس الموس الان مش موجود..ازاي بقه هدخل واعمل الخطوات اللي قلت عليها...؟؟؟..صح ولا ايه...ممممممممم
في الاخر احب اقلك
استمر على هذا الطموح العالى وخليك دايما في القمة ..ومتنزلش ولا درجة ...واستعين دايما بربنا ..واحفظ الله يحفظك ..احفظ الله تجده تجاهك
إيمى .....
أخيرا عبرتينى ...ههههه
تلقائيه ها... ماشى
اما بالنسبه للتاج .. متشنكر جدا ...وعلى فكره بينى وبينك حكاية التنمية البشرية دى انا حطيتها . هدف لما عرفتك ....
ايه ايه ايه عندك كتب تنمية بشريه وكمان لغة جسد وقعدين كدا ... طب وليه نلوك كتيير ع الميل ما تبعتى........ههههههههههههههه
بالنسبة انى اخترتك انتى ونور لا شكرا على واجب ....
بالنسبه للدرس ... اى خدعه بقرأ افكارك مش كدا ....هههههههههه
تحياتى ليكى ... يا إيمى
نورى :
مفيش حاجه عجبتك الا زابط كبييييل
ههههههه
ماشى
بالنسبة للتاج على الله متجاوبيش عليه
انتى ولا إيمى ...:d
بالنسبة للموضوع
ههههههه من اسبوع يلا مش مشكلة بس لو فى حاجه زى كدا قوليلى ع الميل انك عاوزه حل للمشكلة دى بإذن الله حبقا عارفه ...
ولو مش عارفه نعرفه ... ولا ايه
على العموم شكرا ليكى
تحياتى
أخوانى بس سلفى
نسيت اقولك ان انا ومصطفى صحاب من زمان ....ههههه وانا على طول متاابعه ع النت ...
شكرا لحضرتك ...
تانى حاجه البروتوكول او الاى بى
التعريف
internet protocol
بروتوكول الإنترنت
= IP
وهو
رقم متسلسل اعداده تبدأ من 0 إلى 9 ويتضمن في أربع خانات زى كدا
112.0.1.255
255.45.7.1
12.245.54.1
1.24.57.13
بشرط انه ميعديش 255
فائدة
ليه فائدة كبيرة منها انك تقدر تبحث من خلال البرامج ومنها SuperScan أو ScanPort ولها انواع عدة وفائدتها تبحث لك عن منافذ ports لأي ip او تزودك بمعلومات لا تعتبر مهمة اما المواقع فمنها
http://www.ripe.net/whois
وهذا الموقع يعمل كعمل البرامج وهو يبحث لك عن معلومات لعنوان الآي بي
طب ازاى نجيب الاى بى بتاع موقع او شخص
؟؟؟؟
لو كان عندك شخص في الماسنجر فأسهل وأفضل عملية لأخذ الآي بي حقه هي أن ترسل له ملف كبير وتذهب إلى Ms-Dos أو من:
ابدأStart
تشغيلRun
واكتب هذا الأمر
command
وسوف يفتح إطار DOS
ماذا يعني DOS أي: DENIAL OF SERVICE أي رفض الخدمة
والآن وبعد أن فتحنا إطار dos نقوم بكتابة الأمر التالي/
netstat -n
وبعدها اضغط Enter
بعدين حيجيب أرقام ip كتيرة اوى
tcp وهو البروتوكول التي تكون انت متصل عليه سواء موقع او ماسنجر او اي كان لك ارتباط به من الإنترنت
والآن لنقوم بالتفصيل أكثر
ماهي الأرقام الموجودة أسفل Local Address المقصود بها العنوان المحلي والأرقام السفلية هي أرقام محلية يمكنك الآن الجواب وبسرعة محلية أي الآي بي الخاصة بك يعني عنوانك
طيب Foreign Address والمقصود بها العنوان الغريب أو الأجنبي يعني أرقام الآي بي اللي انت متصل عليها احيانا تكون مواقع واحيانا تكون ip صاحبك في الماسنجر أو أحيانا يظهر لك سيرفر وفي حالات نادرة يظهر سيرفر وهو اذا كنت داخل شات او غرف محادثة
يعني ببساطة بعد ماتضغط netstat -n وتضغط بعده Enter على طول بص تحت Foreign Address حتلاقي ip الشخص اللي تكلمه
ok
وعرفنا نطلع الآي بي حتلاحط ايه في أقصى الناحية اليمنى تلاحظ وجود كلمة state وهذه تعني الحالة أسفلها يوجد
ESTABLISHED أي أن المنفذ المجاور للآي بي مفتوح
مثلا الآي بي
213.230.0.16:80
اذا أردنا تحليله
213.230.0.16 عنوان الآي بي
80 المنفذ الشغال عليه
استئذنك بس اروح اصلى الظهر واجى اكملك الباقى ...
تحياتى
باااااااك
بتعذر ع التأخير
بص انا حقولك بروكسى يعنى ايه بس بدل ما اقولك كدا ف الكومنت انا حديك لينك تقرا منه
http://www.javagirl.ws/lessons/web/almurshid/proxy/
ادخل وقول رأيك ...
اما بصمة جهازك دى بصراحه انا اول مره اسمع عنها ممكن تكون مصطلح انجليزى
ولو مصطلح انجليزى ياريت تقولوا عشان افهم اكتر
لان بصمة جهازك دى ملهاش معنى
ولكل جهاز رقم الاى بى ممكن حد يجيبوا من النت برده ...
اما بالنسبة لانى اعرف اللى علق مرتين بشكل مختلف ... مفيش برامج بتعمل كدا
بس انا ممكن اعرف من لهجة الكلام او من كتابتو للكلام واكيد هعرف .. يعنى
تشرفت بيك بجد وياريت يدوم التواصل ....
تحياتى
Princesa:
شكرا ليكى انك وفيتى بوعدك ليا ... متشكر جداااا
بالنسبة للأفكار انا بإذن الله متمسك بيها وحاططها كل دقيقه قدام عينى .....والواقع اكيد ممكن يغير حاجات بس مش أظن انه يغير حلم انا عايش عشان احققه ...ومتخافيش مش حخلى حد يتدخل ف احلامى خالص ...
وانا حستناكى تتكلمى تانى .. اوك
تحياتى ليكى وشكرا تانى مرة
سارة _ عبد الهادى :
يااااا شهر .. ليه بتعملى ف نفسك كدا ...هههه هو انا بنزل بوست كل اسبوعين ...مش اكتر ..
وبالنسبة للساعات القليلة ع النت
اول حاجه انا مش عندى نت ف البيت
تانى حاجه برجع من الشغل متأخر بليل
تالت حاجه لو قعدت على النت بقعد 4 ساعات اسبوعيا
ساعه اتكلم على الياهو .. وساعه ارد على التعليقات وساعه اكتب بوست وساعه نتصفح ف المدونات ونشوف ايه الجديد .. :d بس كدا :-p
انا والله مش نادر وربنا انا مش نادر
حد قالك ان انا اسمى عمر ...ههههههههه
ايه ايه ... تقرى التاج مرتين
دا انا قلت الناس حتشتم اليوم اللى دونت فيه لما يقروا البوست .. من طوله
ههههههههه
على العموم انا بجد متشكر جدا ومش عارف اقولك ايه غير ربنا يوفقكك
كلية الحمير دى غيروها يعنى ممكن ادخل كلية مجارى قسم خراطيم ... ههههه :))
هههههههه ... تقديم وظائف ...
انتى عارفه انتى لو عندك نت ف البيت يبقا انا اللى قاعد على تقديم وظايف ... لان دىبجد نعمة .. مفيش حد حاسس بيها
يا حظها اللى حتلاقى واحد زيك بنفس طموحاتاك ....
خمسه و خميسه البت حتعيا ... =;
هههههه
على فكره طموحاتها قريبه اوى من طموحاتى
:-p
وراء كل رجل عظيم امراة عندك حق عشان كدا مش حتجوز وحقول وراء كل رجل عظيم كمبيوتر عظيم ...هههههههه
اه دا انتى بتسخدمى الدروس بتاعتى عشان مامتك .. اها على كدا بقا انا حروح اقلها تشيل الكيبورد بدل الماوس ... ولا صح حنزل درس تشغيل الكيبورد عن طريق الماوس ..يبقا حقولها تاخدهم هما الاتنين بليل ..ههههههه
اه حقولك ازاى تشغلى الطريقه دى بس بشرط تعرفيها للعلم وتنفيذها مرة تانيه يعنى مش عشان ماما اخدت الماوس ..ها
استعملى التاب عشان توصلى ل mouse
وبعدين تاب عشان توصلى
use mouse key ...s
وبعدين استعملى المسطرة عشان تحضى علامة صح
وبعدين تاب عشان توصلى ل اوك
وبعدين مسطرة او انتر
بس كدا
وشكرا ليكى على الدعاء الجميل دا
ويارب يدوم التواصل ...
معلش بقا مش حقدر اعلق ف مدونتك عشان الوقت انا اساسا قعدت عشان ارد عليكى مخصوص ..
تحياتى
خلاص حطيت صوره لابتوب ومبقيتش تعبر حد اخص على الجيره دى
لسه كنت بقول لحسن حنفى التاج دا جاوبته زمان وكان بوست عنوانه حلم الحمار هههههههه يسعدنى انك تبقى تطل عليه عندى يمكن يعجبك او تستفيد منه
شكرا على الكيبورد والماوس يا سيدى ابقى خلينا نشوفك
تحياتى ليك سومه_87
سومة :
هههههههه
لا والله متظلميش اللاب توب .. هههههه
انا بس ببقا مشغول والله ومش بقعد على النت ... معلش سامحينى ...
بس انا متابعك دايما... بس مش بيبقا فى وقت اعلق ...
وبعدين انتى برده من ساعتها مش بتدخلى
بصرة
تحياتى
ايه ده يه ده دانا اسمي هناك اهو :D
مكنتش أتخيل اني إسمي هيبقي في إجابه علي سؤال زي ده طول عمري :D
اما عن موضوع الماوس متميز كالعاده :)
تحياتي
ياسمين
الله عليك
بسم الله ماشاء الله
ربنا يبارك فيك
استمر في طموحك ومتخليش اي عوائق تهزك
بالنسبة للماوس المشكلة دي كترة معايا اوى الفترة الي فاتت
بقيت بغير الماوس كل اسبوعين تقريبا مفيش اي ماركة نافعة
كنت باشتغل بالكيبورد بس مش بالتفصيل دة
ربنا يباركلك حلتلي مشكلة جامدة اوى
انا اعشق كل مايخص الكمبيوتر
استمر في بوستاتاك الجامدة اوى
اختك الكبيرة
Semsema :
اسمك اهوت بجد .. اكيد طلع غلطة ...ههههه
منا بقولك طلع غلطة وتتخيلى ليه .....ههههههه
اى خدمة ... !
شكرا ليكى يا سمسمه على مرورك ولا دخلتى عشان تشوفى اسمك بس ..ههههههه
مصلحة ..هههههههه
رمضان كريم
غير معرف :
لو سمحتى يعنى ممكن اعرف مين حضرتك ..؟؟؟؟
حضرتك علقتى قبل كدا ...!!
بس لو سمحتى يعنى ممكن اعرف مين حضرتك ؟
-*-*-*-*-*-*-*-*-*-*-*-*-*-*-*-*-*-
ربنا يكرمك على دعائك
باذن الله هستمر ف طموحى ..
يانهارى . كل اسبوعين ماوس .. دا انتى تفتحى شركة ماوسات بايظة ...هههه
يا اما الماوسات بايظة يا اما انتى بتتعملى مع الماوسات بطريقة فظيعه ...ههههههههه
على العموم فى ماوسات حلوة اسمها
/NEW\
يعنى بتعمل 10 جنية بس حلوة يعنى انا مجربها
وممكن يكون العيب مش من الماوس
ممكن من الفتحه بتاعت الكيس اللى بتدخلى فيها الماوس
ممكن يكون فى سنون مكسورة من جوا
على العموم عشان تتجنبى السنون المكسورة
اشترى ماوس ب وصلة USB
يعنى الكابل بتاعو بيدخل فى ال
USB
دا احسن انا مجربة
وتحياتى ليكى وكل سنه وحضرتك طيبة
بس اموت واعرف انتى مين ؟؟....ههههه
رمضان كريم
مبرمج محترف انا فقط زائرة معجبة بابداعك وشايفة بشاير جامدة والتعليق الي فات هو اول تعليق ليا على مدونتك بس مش الاخير باذن الله
بالنسبة للماوس هو العيب مش بيبقى فيه بجيب اغلى الانواع , الماوس قبل الاخير جبته بوصلة USB اشتغل اسبوع زى الفل وبعد كدة ودع , هو العيب ف الجهاز الله يكسفه بقى
يالا متشكرة اوى تاني
رمضان كرييييم
وكل سنة وانت طيب
اختك الكبيرة
اختى الكبيرة اللى غير معرفه ومحتاجه اسطوانات تعريف :
متشكر على الرد بس انا كنت مستنى رد غير دا "الاسم " او تعرفينى منين او اى حاجه " غير معرف دى .. مش باينه ؟؟
ياريت بالله عليكى تقولى انتى مين
عشان انا كدا حفضل افكر مييين ميين
والواحد دماغوا حتبوظ
ههههههههه
كل سنه وانتى الى الله اقرب
إخواني .... أخواتي ....
السلام عليكم ورحمة الله وبركاته
كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة
اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين
أخوكم
سعيد
عمر باشا ..
قصدي باشمهندس عمر - إن شاء الله -
بقى المرة الوحيدة يا راجل اللي تحط فيها بوست أنا عارفه تروح حاطط برضه حاجات أنا مش عارفها ..
يعني أنا عارف حكاية الماوس بالكيبورد دي -GRIN- تروح حاطط التاج معاها اللي طبعا ما أعرفش عنه حاجة :) ..
بس أنا عجبني بجد ردك في التاج ..
و يارب يوفقك لما يحب و يرضى ..
و تكون بجد ..
مـــــــتــــمـــيـــز
تحيتي
جنًى :
كل سنة وحضرتك طيب ...
رمضان كريم
timmy :
ههههههههه
تصدق انى مش عارف ايه GRIN
loooooooooool
ويارب اكون متميز
كل سنه وانت طيب
انا بسام
انا كنت سعيد لما كلمتك
بس بقيت اسعدلما قريتلك النهارده
انت بتفكرنى بنفسى قبل خمس سنين
كانت احلامى عالية كان نفسى المس السما بايدى
بس واحده واحده بدات اصطدم بالواقع
وللاسف الاحلام ينزل لحاد مكا بقى الواحد اخره خطوتين قدامه
يمكن استتلمت بسرعة بس انت تقدر تحقق هدفك
سعيد بصداقتك مرة تانيه
وعندى طلب بسيط
يا ريت تكبر حجم الكتابة علشان الكتابة الصغيرة بتوجع العين
رمضان كريم
السلام عليكم ورحمه الله
ازيك عامل ايه
كل سنه وانت طيب
ويارب تكون دايما فى نجاح وتحقق اللى انت عاوزه اوكتر كمان
حبيت اقولك رمضان كريم
بساااام :
ههههههه
حمسين سنه يا مفترى .. ليه وانت دلوقتى عندك كا قرن
هههههه
والله على حسب الشخصية ..لو انت عاوز حاجه حتعملها طالما حد عملها قبليييك
ولا ايه ؟؟؟
وبالنسبة للكتابة الصغيرة
والله غصب عنى دا انا بعانى
اقولك انا عشان خلفية المدونة سودا
ف بكتب كل الكلام بالابيض
وطبعا مش ببقا شايف اى حاجه .هههههههه
وغير كدا مش بيبقا فى وقت انى اهتم بالالوان والحجم
يعنى انا بمعنى اصح ما بصدق انى بنزل بوست
هههههههههه
...............................
كل سنه وانت طيب
وبجد انا اللى تشرفت بمعرفتك مش انت ؟
تحياتى
هايدى :
يااااااا فينك من زمان دا انا كنت يئست خلاص
... كل سنه وانتى طيبة ....
برده حبيت اقولهالك ..هههههه
تحياتى ومتنسيناش وتطولى كدا
رمضان كريم
مرور للتهنئة بقدوم شهر رمضان وتمنياتى بان ننال منه الكثير ...لا تدع الفرصة تفوتك باغتنام هذا الشهر الذى فضله الله على باقى الشهور
ودعواتى لكم جميعا بقبول اعمالكم وعباداتكم وان نكون مع الرسول ان شاء الله ..سعيد بزيارتى ومرورى والى لقاء قريب لك كل التحية والتقدير
أ.حسن :
اللهم تقبل منا الصيام والقيام وصالح الاعمال..
انها فرصة لا تعوض...شهر واحد ف السنه
انت بجد شرفتنى جدا لما زرت مدونتى
ما شاء الله اجابات رائعة و كمان ان سعيدة جدا بزيارة مدونتك
لانها مدونة جميلة ما شاء الله
و شكرا لك علةى المعلومات المفيدة اللى هيه اازاى نحرك الماوس عن طريق الكيبورد
و كل عام و انتم بخيررررر
رمضان كريم
و تحياااااااتى
كوووووول سنه وانت طيييب
وحلو ان رمضان اوله تاج
اشايط بقي
رمضان كريم
اه نسيت
اجابتك جميله جدا
خديجة :
متشكر جدا على مرورك الكريم
شرفتينى
وياريت نشوفك دايما
كل سنه وانتى طيبة
رمضان كريم
تحياتى
كيارا :
كل سنه وانتى طيبة...
انا سعيد بزيارتك جدا
....
كل سنه وانتى طيبة
رمضان كريم
تحياتى
تؤتؤتؤتؤتؤؤتؤ شكلك نستني ازعل بقي
منا نيمو سابقا وغيرت بقيت كيارااااااااااا
ربنا يوفقك يارب وتححق كل اللي بتتمناه
واجباتك جميله جدااا
بس ممكن تتقبل من رأي ممكن يكون صح وممكن يكون غلط
انت قولت نفسك تدخل كليه هندسه قسم كمبيوتر مممممممممممم
هيه كليه هندسه طبعاااا مفيش كلام عليها
بس لو عايز تبقي مبرمج صح تدخل كليه متخصصه بالمجال بتاع الكمبيوتر يعني كليه حاسبات ومعلومات مش بقولك كده والله عشان دي كليتي لا ابداا انا كنت جايبه في ثانويه عامه 97.3% يعني كنت ممكن ادخل هندسه بس انا كنت عايزه كومبيوتر وبس غير كده دلوقتي اصحابي اللي في هندسه قسم حاسبات لما بسالهم بتاخدوا ايه بلاقي حاجات اقل بكتير من اللي اخدناها ومش متخصصه اوي زينا
في الاخر انا بس عيزاك تسال عن كليه حاسبات يمكن تحس انها تناسبك اكتر
وانت بسم الله ما شاء الله واضح ان مستواك كويس جداا وكمان شخص اد المسؤليه
ربنا يوفقك وتدخل الكليه اللي تحبها وانا متاكده انك هتكون شخص فوق العاده سواء في دراستك او بعد كده
و سوري علي الكلام الكتير ده
بس انا حبيت انصح اخويا الصغير لو تقبل يعني :)
كنت مؤخرا قد جاء عبر بلوق الخاص بك وكانت القراءة على طول. ظننت انني سوف يترك تعليقي الأول. أنا لا أعرف ماذا أقول إلا أن لقد استمتعت القراءة. نيس بلوق.
جميلة لطيف وظيفة. أنا فقط تعثرت على بلوق الخاص بك وأردت أن أقول بأنني استمتعت حقا تصفح بلوق وظيفة الخاص بك. في أي حال سأكون الاشتراك في خلاصتك وآمل أن تكتب مرة اخرى قريبا!
Post a Comment