موضوعنا انهارده عن الفيروسات وحنعرف اذا كان فى فيروسات فى الجهاز ولا لامن غير برامج
أولا الفكره بتاعت البوست دا اللى اوحتنى اياها هى صاحبة مدونة احسن تستاهل عشان بتقولى شيل الفيروسات اللى عندك
فجتلى الفكرة دى ان انا اوريها اذا كان عندى فيروسات ولا لا فى الجهاز بتاعى ومن غير برامج كمان ..
ف انا أهدى اليها هذا البوست ... يلا نبدأ
1- حنروح لقائمة Start و نختار الامر Run… حيظهر مربع الحوار دا
2- نكتب كلمة (Command)
3-حتظهر شاشة بالشكل دا نكتب فيها cd.. وبعدين ندوس Enter
4- نكتب ..Cd تانى وندوس Enter
5- نكتب cd windows وندوس Enter
6- نكتب cd system 32 وند وس Enter
7- حتظهر بالشكل دا وبعدين نكتب setup ونستنا شويه عشان بتاخد وقت
لما ندوس Enter حتظهر الشاشة بالشكل دا
لو جت رسالة بالشكل دا
كدا يبقا الجهاز مفيهوش فايروسات ولو مظهرتش الرسالة دى يبقا تلحق نفسك على اقرب موقع وتنزل انتى فايرس بسرعه
ولو مش لاقى انتى فايرس سيب كومنت باسم البرنامج اللى عاوزه وانا حبعتهولك ان شاء الله
انا عن نفسى بشتغل ببرنامج اسمه ESET Smart Security دا النسخه المعدلة من Nod 32
بس برنامج جامد يعنى انصحكم بتنزيله ودا الرابط بتاع
الموقع http://download.eset.com/eval/win/eav/eav_nt32_enu.msi
*الفكرة بتاعة الدرس نسيت اكتبها حكتبها ف وقت تانى ان شاء الله
By OMAR MOHAMED
17 يا تعلق يا تتعلق ؟؟!!:
موضوع حلو اوووووووووووووووي يا عمر
استمر استمر
المدونة دي بجد مفيدة جداااااااااااااا
ربنا يجعله في ميزان حسناتك
تحياتي
:)
هايل يا عمر
انا اول مرة ادخل هنا وان شاء الله مش هاتكون الاخيرة
ربنا يبارك فيك
وماشاء الله عليك
انا عملت زى ما انت قلت بالظبط
والحمد لله ما عنديش اى فيروس
جزاك الله خيرا
سفروته :
شكرا ليكى يا نوران على التعليق الجميل دا واتمنى يكون عجبك الدرس بجد
سبهللة :
معناها با ين كدا يعنى فوضى باللغه العربيه الفصحى
شكرا لمرورك الجميل دا يا (؟) اتمنى يكون عجبك الدرس
تحياتى
موضوع جميل جدا وفكرته كويسه
لو في فيروس وموجود في system32
هيظهر بسهوله
تحياتي ليك
علي فكره انا بستخدم nod32
هو كويس بس انا بستخدم ويندوز فيستا وهو في الفيستا مش كويس
تحياتي ليك
انسان عاشق حر
تامر الحسيني سابقا
نياهاهاهاهاها
عشت وشفتني مصدر إلهام هههههههههه
ماشي يا سيدي،، انا هعمل الطريقة دي وربنا يستر
أصل كلمة ف سرك انا عملت حاجة غلط في الجهاز عندنا وانا متنكدة وحاسة اني عكيت
هبقى اقولك عليها بس مش دلوقتي احسن عايزة اقوم اصلي العصر
سلام وهاجي تاني ان شاء الله بس انت قول يا رب
مها ميهوووو
المبرمج المحترف
مدونتك جميلة انت عامل فيها مجهود رائع
اكيد كل اللي هيدخلها هيستفيد
تحياتي لك ولمجهودك الرائع
سارة
بوست رائع بالفعل
ربنا يجعله فى ميزان حسناتك
تحياتى
على فكرة يا عمر موضوع جميل جدا
بس عارف جهازى مفيش مضاد فيروسات بيأثر فى
فيروساته وعلى فكرة أنا بستخدم nod32 يعنى هو
بيحاول يعمل شئ بس هقول ايه جهازى حاله خاصة
موضوع جميل ومفيد استمر دايما بنجاح
smilyrose
عمر رائع والله
يابنى انت ان شاء الله ليك مستقبل بس اوعى تنسانا لما تبقى مشهور ههههههه
انا عندى نورتون انتى فيرس اوتو بروتكت انيبال
هههههههههههه لسة هكتب بالانجلش
ها حلو ولا انزل التانى ؟؟؟؟؟؟
تحياتى
ايمى
شوف يا عمر يا ولدى روح الهى اشوفك زى ما انت عاوز
تحياتى ليك سومه_87
ايه ده يا بني
ده انت جامد جدا
مدونة مفيدة بجد
علي فكرة هحتاجك كتير اوي
مبسوط اوي بمرورك ومبسوط اكتر بمعرفتي مدونتك
اتمني نتواصل دايما
تقبل خالص تقديري وتحياتي
شكرا على البوست الجميل ده
معلش يا جماعه بتأخر فى الرد والله مش فاضى عشان الشغل
إنسان عاشق حر :
شكرا لمرورك يا تامر شرفتنى
وعلى فكره ويندوز فيستا دى مش بيبقا ويندوز دى ثيمات بتتحط على السى دى بتاعت ويندوز Xp
على العموم انا حقولك الفكره
الفكره هى ان الملف الى أسمه Setupاللى موجود فى System32
دا مسئول عن اى برنامج exe.
وبيكون مفتوح لو مفيش فيروسات ولو فى بيبقا مقفول
ولما يكون مفتوح وتفتحه تظهر الرساله الى فى اخر الدرس دى
تحياتى
الآنسه مها اللى بقالها سنتين بتصلى العصر :
شكرا ليكى يا مهاميهوووووووو برده مقولتيش عكيتى ايه ف الجهاز المهم
يكون جهازك مفهوش فايروسات .
سارة الجبالى :
شكرا ليكى على مرورك يا سارة شرفتينى بجد وياريت تتكرر زيارتك
الحلوه دى
تحياتى لكى
نورا :
شكرا ليكى يا نورا عع التعليق الصغير المختصر دا
تحياتى
smily rose:
هههههههههههههه
ههههههههههههههههههههههه
ايه يابنتى الجهاز دا مفيش انتى فايرس بيأثر فيه
سبحان الله كان فى جهاز بتاع واحد صحبى كدا تيجى تدخلى على ال C يدخل على D وتدخلى ع ال C يدخل على السى دى روم
كان جهاز مشكله
شكرا لمرورك يا Smily Rose
تحياتى لكى
إيمى :
شكرا ليكى على مرورك
وعلى فكرهخ البرنامج دا شغال وحلو يعنى ف متنزليش Eest دا مش مهم اللى عندك أحسن
سومة :
هههههههههههه
ربنا يكرمك يا ستى
أمجد :
اللهم أرزقنا الأخلاص
ههههههههههه
ربنا يباركلك يا بشمهندس ويخليك ويخلينى زيك كدا إن شاء الله
تحياتى ليك
علياااااااااااوى ى :
شكرا ليكى يا علياووى على مرورك وياريت يتكرر انا فرحت لما دخلتى البلوج مره تانيه
تحياتى
موضوع جميل
ومجهود رائع
تحياتى
أحمد الصباغ
المبرمج المحترف
مدونتك رائعة ودليل على احترافك
واللي مستغرباه أنك 15 سنة فقط!!
ما شاء الله
ربنا يزيدك معرفة وعلم
الحقيقة دروسك مفيدة ورائعة وأكيد هنتعلم منها كتير جدا
تحياتي لك
الحمد لله
ما طلعش عندي حاجة :)
ألف ألف شكر ليك على المدونة دي ..
ده أنا شكلي هبقى من الزباين المستديمين :)
جزاك الله خيرا ..
Post a Comment