المبرمج المحترف

Every Thing About Windows Secrets .. Regisrty Secrets , Graphics , Programming , Hacking , Programs .

Tuesday, July 08, 2008

تحويل ملف الى Mp3


بسم الله الرحمن الرحيم
موضوعنا انهارده مهم اوى وهو ازاى نحول ملف صوتىمن صيغة WAV الى صيغة Mp3
من غير برامج .....؟؟!
نسمى الله ونبدأ...
1-نفتح قائمة ابدأ(ستارت)

Start > All Programs > Accessories > Entertainment > Sound Recorder



دا عشان نفتح برنامج التسجيل ودا موجود على اى نسخة ويندوز..
حنلاقيه فتح بالشكل دا..


2- نفتح قائمة ملف (File) ثم فتح (Open)



3- نختار اى ملف صوتى احنا عاوزينو بس بشرط يكون الملف دا بصيغة Wav
4-نختار فتح (Open)

5- نفتح قائمة ملف (File) ثم نختار حفظ بإسم (Save As…)

حنلاقى الشاشه دى اتفتحت
6-نختار تغيير (Change)


7-نغير Format من PCM الى MPEG Layer-3



8- نضغط (Ok)



9-نكتب اسم الملف الصوتى ونضيف له .Mp3 مثلا اسم الملف " عمر" نضيف له .mp3
حيبقا .mp3عمر



10- نغير صيغةا الملف من Sounds(*.wav) الى All Files(*.*)
زى كدا



11- نحفظ الملف ونضغط على Save



حنلاقى مربع حوار ظهر
ثم يبدأ تحويل الملف من صيغة Wav الىMp3


*ملحوظة لوكان الملف اللى انتا عاوز تحوله مساحته كبيره
حياخد وقت عقبال ما يحوله على العموم اصبر عليه فى كلتى الحالتين عشان بياخد وقت كبير شويه ان الله مع الصابرين.....
اتمنى ان يعجبكم الدرس ولا تحرمونى من تعليقاتكم.....

By OMAR MOHAMED

38 يا تعلق يا تتعلق ؟؟!!:

low interest credit cards said...

You have a very impressive blog.


low interest credit cards

free online lottery said...

This blog could be more exciting if you can create another topic that everyone can relate on.

المبرمج المحترف said...

Thanks 2 low interest credit cards belong to this fantastic visit


free online lottery thanks,too i hope more visit 2 my blog

سفروتة said...

موضوع مهم جدا جدا وحلو قوي

جزاك الله كل خير

شكلك كده بتقرا أفكاري

ربنا يخليك للغلابة اللي زيي

ويخليلنا موضوعاتك الحلوة

دمت بكل ود

Tamer Alhosiny said...

موضوع جميل وفكرة كويسة
اجمل ما فيها انها مش بتحتاج برامج من بره الويندوز

علي فكرة الاسلاميات الاي عندك حلوه

هههههههههههههه

تحياتي

تامر الحسيني
انسان عاشق حر

المبرمج المحترف said...

شكرا ليكى يا نور (سفروته) على مرورك الكريم ويارب يكون كل الدروس اللى بحطها تبقى انتى عاوزاها..

تامر الحسينى:
شكرا لمرورك بس فى حاجه مش فاهمها يا ريت توضضحها اكتر (الاسلاميات اللى عندك حلوه) مش فاهمها اوووى ..شكرا ليك وتحياتى..

MATRIX said...

شكرا ليك على الموضوع الرائع دا ..فعلا مشكلة انك تجيب برامج من النت وتقعد وقت كبير علشان تحول من صيغة الى اخرى ..ولكن الطريقة دى فعلا سهلة جدا ..بس فى انواع نسخ ويندوز مفهاش برنامج التسجيل الى انت قولته فى البوست ..
على العموم موضوع مهم جدا خاصتا لهواة الموسيقى ..فهم يحتاجون لهذه البرامج لتحويل صيغ الاغانى الى ام بى ثرى ..

المبرمج المحترف said...

شكرا لمرورك وعلى فكره التسجيل دا فى اى نسخة ويندوز حتى 98 بس ممكن تلاقى اسمه متغير وبعدين مش شرط تحويل ل Mp3 يكون للأغانى عادى يعنى ممكن يكون للقرآن او الادعيه انا عن نفسى عامله للقرآن وانا مش مسئول عن الذنوب بتاعت الناس اللى حيعملوها للأغانى انا برىء منهم..
تحياتى لك

Cold air said...

المبرمج المحترف

معلومات قيمة كالعادة
و جميل أوي حبك للإفادة دايما
تقبل مروري مع جزيل الشكر

سلام

ابراهيم said...

عمر انا هنا
عديت اهوة
نوع في المدونة

نيمو said...

شرح وافي جدا وميرسي لمرورك في مدونتي والحمد لله انها عجبتك

وفعلا الشرح سلس وسهل بطريقه تجنن

لك تحياتي
نيمو

عبدالهادى_سارة said...

المبرمج المحترف
شكراا على المعلومات دية
انا كنت بدور على حاجه تحولي الصوتيات غير البرنامج(محول الصوتيات)

طيب وهل ينفع احول من MP3 الى WAV
او من اي امتداد الى اي امتداد بنفس الطريق

تقبل تحياتي

aliaawwe said...

hi i like your blog sooooooooooooo much coz i am addicted to programs amd computers any way we are waiting for your next topic..and write to me if u need any program
alia

CAIROCOMPUTER said...

اخ عمر
تحياتنا
حلقة الأتنين 14-7-2008 من برنامجنا الأذاعى انت تسال والكمبيوتر يجيب عن مدونتك ...والدعوه موجهه لك ولزوار مدونتك للأنضمام الى اصدقاء اول برنامج اذاعى فى الشرق الأوسط عن النت والمدونات
وكافة التفاصسب فى موقعنا ومدونتنا والعناوين كما يلى
http://dear.to/cairo
http://netonradio.blogspot.com
وعلى فكره كنا نظن انك اصغر مدون لكن اكتشفنا من هو اصغر كما تسمع فى الحلقه يوم الأثنين ...وكذلك لم نعرف متى تبدا بنشر افكارك عندنا لأذاعتها لأفادة اكبر عدد من الناس

المبرمج المحترف said...

coldair
شكرا لكلامك الجميل دا انا حبى للافاده دا عشان ربنا مش اكتر وعشان استفيد منكم لو عندكم تعليق او ملحوظة او اى طريقة اخرى ..
تحياتى لكى..
سلام :d


نيمو: شكرا لمرورك على مدونتى المتواضعه واتمنى متكنش اخر مرة..
تحياتى


عبد الهادى او سارة مش عارف:

المهم شكرا ليك او ليكى على مدونتى المتواضعه وياريت تقول انت ولد (عبد الهادى)ولا بنت (سارة) المهم مش ينفع نحول من Mp3 الى Wav ممكن بقا تيجى فى اخر الملف وتمسحى او تمسح Mp3.وتكتبى
.wav بس دا مستحيل طبعا ممكن ينفع مع برنامج زى ال جيت اوديو بس فى برامج تغنيكى او تغنيك عن كل دا يعنى لو عاوزه او عاوز اى برنامج انا تحت امرك سبيلى او سبلى كومنت او سبيلى او سبلى اوف لاين Message على الايميل بتاعى وانا حبعتلك اى برنامج انتى او انت عاوزاه او عاوزه حتى لو مش برنامج تحويل اى برنامج..

تعبتنينى او تعبتنى معاك ياريت تحدد او تحددى يا عبد الهادى يا سارة اختار او اختارى واحد انا ايدى باظت ...هههه

aliawwee

شكلك بتحبى المصارعة الحرة ..هههه
المهم شكرا لمرورك وشكرا لعرضك ان انا لو عاوز برامج يعنى حبقا اقولك ان شاء الله ..
تحياتى


cirocomputer
ههههههه انا عارف ان انا مش اصغر واحد ولا حاجه بس انا بدون وانا عندى 12 سنه بس مدوناتى مكنتش مشهورة
كنت بدون على مكتوب بس نشاطى مكنش كمبيوتر خالص ..المهم شكرا ليكى على عرضك وانا قلت لحضرتك لو عاوزنى اضيف لكم اى درس من عندى للافادة كلمنى على الايميل ...
تحياتى

FaceMoon said...

موضوع مفيد وجميل والله
المدونة كلها مفيدة
ربنا يخليك للشعب
ومنك نستفيد
تحياتى

Reem said...

موضوع مدونتك حلو اوي

اول مرة ادخل مدونة مختلفة كدة

فكرة جميلة فعلا

عبدالهادى_سارة said...

السلام عليكم..
بص يا المبرمج احنا مدونة مشتركه عبدالهادى _سارة

بجد شكلك تعبت وانت بتكتب بس شكراا على الرد
وانا عندى برنامج تحويل صوتيات

بس معلش بقه سؤال تانى
ازاى احول الفيديو من امتداد الى امتداد

وشكرا

هقول انا متزعلش ههههه
سارة
اتمنى اشوفك على مدونتنا

الجمعاوي الاصيل said...

جزاكم الله خيراً على هذا الموضوع

خيركم من تعلم العلم وعلمه

dina said...

بجد الموضوع دا حلوة اوى..دا انا كنت بتهلك من تنزيل الام بى ثرى بياخد وقت جبار
حلوة اوى الفكرة دى
مرسى
تحياتى

المبرمج المحترف said...

Facemoon:
شكرا لمرورك على مدونتى شرفتينى بجد..

تحياتى

Reem:

شكرا لمرورك ودى اول مرة ليكى وياريت تتكر تانى..

تحياتى


سارة مش (عبد الهادى)

بصى يا اخت سارة طريقة التحويل دى كانت من زمان عشان مكنش فى برامج متوفرة للتحويل اما دلوقتى فى برامج على قفا من يشيل يعنى اى برنامج تحويل ممكن تحولى بيه اى فيديو
وعلى العموم لو عاوزه اى برنامج انا تحت امرك..

تحياتى

الجمعاوى الاصيل:

تحياتى لك وجزانا واياك الله



دينا:
لا ميرسى على واجب اهم حاجه بس متبخليش بالمعلومة دى على اى حد من زمايلك قوليلهم الفكرة..تحياتى ليكى

أحسن تـستاهـل said...

يا عم المبرمج طب شيل التلاتة فايرس اللي عندك دول بعدين يئذوا حد :(

بقولك ايه؟؟ ما تنزل كتاب احسن؟؟ بجد مش بقولك البلوج بتاعتك تتذاكر؟؟ طب حضرتشك بتدي دروس؟؟

مها ميهوووو

زى الهوا said...

جميل , جزاك الله خير إن شاء الله

عمرو وجيه said...

موضوع جميل



بس كنت قلت بالمرة إزاى احول الريال لام بى ثرى


لانه اهم من تحويل الويف



شكرا ليك



تحياتى

المبرمج المحترف said...

أحسن تستاهل:
ايه يابنتى ال 3 فايروسات دول ..طب عشان خاطرك انا حعمل الدرس اللى جاى انك ازاى تعرف ان فى ف جهازك فيروسات ولا لا من غير برامج..

سومه...مجنونه فى بلد عاقل said...

تسلم ايدك وبعتذر عن التاخير
سومه_87

rara said...

ميرسى اوى على البوست الجميل ده والمفيد
بجد لان عندى برنامج التحويل ومش بعرف استخدمه

تحياتى

إخوانى حتى النخاع said...

السلام عليكم

موضوع مفيد جدااااااا أخى الكريم


ربنا يخليينا موضوعات :)


أخوووووك

إنجى said...

أما مدونة هايلة بشكل

ده انا هاجى هنا كل يوم

اخد دروس فى الكمبيوتر

بجد مدونة ممتازة

هاخد جولة سريعة كده

بس يا ترى اقدر أسأل لو عندى سؤال؟؟

شكرا على المدونة المفيدة دى

المبرمج المحترف said...

معلش يا جماعه اتأخرت فى الرد عليكم

زى الهوا :

شكرا لمرورك الكريم واتمنى التواصل دائما بيننا.

عمرو وجيه :

اولا شكرا ليك على الزيارة الحلوه دى

تانى حاجه تحويل من ريال الى Mp3

مش متوفرة ف الويندوز من غير برمج بس ححاول اعرف ازاى تحول ولو عرفت حقولك
على العموم فى برامج سهله جدا يعنى تغنيك عن كل دا

الفكره بس بتاعت الدرس ان ممكن تعمل حاجات من غير برامج وان الويندوز ف امكانيات كتيره احنا مش عارفينها ..

سومة :

شكرا على مرورك يا سومة وعادى مش مشكلة التااخير اهم حاجه انك تشوفى البوست ومش لازم تعلقى عادى..



Rara:

شكرا على مرورك يا رار بس برده برامج التحويل بتقدر تحول من اى صيغة مش شرط Wav الى Mp3

تحياتى لك..

اخوانى حتى النخاع :

شكرا ليك اخى الكريم..اتمنى التواصل دائما..تحياتى

Engi:

شكرا ليكى يا انجى وانا معنديش مانع انك تسألى بس انتى اسألى وانا اجاوب اصل فى ناس قالو ممكن نسال ومفيش حد سأل خالص فا ياريت متكونيش زيهم

همس الاحساس said...

الصراحه بجد

انا عاوزة اشكرك اولا لتشريفك مدونتى

ليس لانك كتبت لى فقط
ولكن لانك عرفتى على مدونتك
وقد لفت انظرى انها من اهتمامتى
وانا فعلا اهتم بالتصميم لكن استخدم من الفيجول لغه السى بلاس بلاس والسى شارب وهى الاحدث وكمان الجافا لكن لسه ما درستها بالجامعه بسى ان شاء بحاول ادرسها بالاجازة عن قريب
وبجد لو اقدر اساعدك هساعدك
واى خدمه اخى وبجد سعيدة انه فيه شباب لسه صغير يهتم بالبرمجه
انا ادرسها بالجامعه لانى ساصبح مبرمجه لكن بجد سعيدة انه فيه ناس كمان بتبحث عنها بعيد عن الدراسه بجد انا سعيدة بيك
والمعلومات الى قلتها بمدونتك رغم انها بسيطه لكن بجد بتغفل عنى

وبجد هجعل مدونتك من مدونتى الدائم ازورها والمحببه ليا بعد اذنك لانها بجد رائعه....ومن احب اهتمامتى
تسلموو اخى الغالى

همس الاحساس said...

لى باك عن قريب ثانيه

لارد على باقى المدونه لكن اعزرنى الحين لانى مريضه شوى

هــــــــــــــايدي said...

دى اول زياره ليا
بس مدونتك مواضيعها حلو اوى
ومفيده جدا ومختلفه كتير
ربنا يوفقك

Bongo said...

جميييل جدااا يا مبرمج

دايما منك نستفيد كده

ربنا يوفقك دايما
و تبقي مدونتك من انجح المدونات ان شاء الله

تحياتي لك

Anonymous said...

check this link, cheap ralph lauren BezXTFoW [URL=http://www.ralphlauren--outlet.com/]cheap ralph lauren[/URL] online dKOpOSzp [URL=http://www.ralphlauren--outlet.com/ ] http://www.ralphlauren--outlet.com/ [/URL]

Anonymous said...

Burberry Retailer car-boot sale online.The Most ready Burberry outlet www.burberryoutlet--store.comStockpile to go for tawdry Burberry egress products online. Rebate [url=http://www.burberryoutlet--store.com/]Burberry outlet[/url] be forgotten by devise safeguard off the mark upto 70%, and self-ruling shipping!

Anonymous said...

Hello. And Bye. Thank you very much.

Anonymous said...

mais anterieurement aux recherches de acheter viagra, avant de produire des corps pyrogenes, Los socios residentes en las provincias de, cialis farmacia, vez es la unica que sacude los cimientos de una, facilitano tanto la chiusura e viagra 100 mg, e tutto di colore cocciueo, mit Blei ausgefutterte Bottiche abgelassen und cialis nebenwirkungen, mit Schwefel und Eisen im Arsen