بسم الله الرحمن الرحيم
اول حاجه.. كل سنه وانتم طيبين رمضان دخل علينا فجأة
وقابلتنى مشكلة !
قبل الفطار ساعات ببقا قاعد بعمل حاجات على الكمبيوتر .. ويجى الفطار و مينفعش اسيب الكمبيوتر شغال او اطفى الكمبيوتر
–
لو سبته شغال .العيال الصغيرة حيبوظوا كل حاجه
لو سبته شغال .العيال الصغيرة حيبوظوا كل حاجه
طب اعمل ايه ؟؟؟
لقيت الحل و من الويندوز
...
طب ايه الحل ..؟؟؟؟
انى اطفى الجهاز والبرامج اخليها شغاله زى ما هيا ..
ههههههههه إزاى ؟؟..
طب اعملوا معايا الخطوات اللى جايه دى وانتو تعرفو ..
1- افتح كنترول بانال Control Panel
Start >> Control Panel
2- ونختار Power Options
حنلاقى الشاشة دى اتفتحت
3- نختار Hibernate
ونحط علامة صح فى Enable Hibernation
4- وبعدين ندوس
بس كدا .. ؟؟؟
اصبر بس ...
طب احنا دلوقتى فاتحين 5 برامج ومش عاوزينهم يتقفلوا حتى لو قفلنا الجهاز والفيشة اتشالت..؟؟
جينا بقا للتنفيذ ..
بعد كدا اختار
Turnoff Computer
من Start
يعنى كأنك حتقفل الجهاز خالص
المهم حتظهر كدا
نضغط ضغطه طويلة على الشيفت 
حتلاقى بدل ما كان مكتوب Stand By بقا مكتوب Hibernate
ندوس على Hibernate .....ونستنه لحد ما الجهاز يقفل ونشيل الفيشة ونقوم نفطر
ولما نخلص نشغل الجهاز عادى جدا حتلاقى البرامج اللى كنت فاتحها زى ما هيا..
بس ممكن تلاقى برنامج زى الريال بلاير اول ما تيجى تعمل Hibernate يروج مطلعلك رسالة
-*ملحوظة*-
ممكن تلاقى زرار ال Stand By غير فعال يعنى مش نشط يعنى مش ينفع تدوس عليه
نيجى بقا للمشكلة دى.حلها بسيط جدا ..وهو انك تحط اسطوانات التعريف بتاعت الجهاز وتعرف الفيجا ..
تحياتى
يارب يكون الدرس عجبكم ..مستنى تعليقاتكم
وعندى طلب واحد بس ....انكم تدعولى بظهر الغيب –مش ف التعليقات بس ها- بس ف وقت الفطارقبل ما تفطر
على طووول ..عشان الوقت دا الدعوه مستجابة فيه ..
55 يا تعلق يا تتعلق ؟؟!!:
what happened to the other one?
والله انا فعلا محتاج البوست ده
لاني فعلا ساعات بقفل غصبن عني
شكرا
ايه ده ..
أخيرا في الأول مرة :)
كل سنة انت طيب يا عمر ..
و رمضان مبارك عليك ..
و شكرا جزيلا على المجهود اللي بتبذله في الشرح ...
أنا كنت نفسي أعرف الهيبرنيت و الستاند باي بييجو منين لم ايكونو مش نشيطين ...
بس ألف شكر ..
و ما تنساناش من الدعاء انت كمان :)
علشان يقول لك الملك آمين و لك بمثل
عودااااااا حميداااا يا عمر
وحشتنا بوستاتك وشرحك المبسط
ربنا يكرمك ويحققلك احلامك كلها ان شاء الله
كل سنة وانت طيب
وربنا يوفقك
تحياتى
اختك ايمى
in dollar we turst :
I Don't Care !
حسن حنفى :
بصرة
هههههههههههه
انا كمان ببقامضطرانى اعمل كدا
عشان بابا بيقولى قوم نام
هههههههههه
كل سنه وانت طيب
Timmy :
كل سنه وانت طيب
لو سمحت ممكن ايميلك ؟؟؟
على فكرة حكاية الستاند باى اللى مش نشطة دى
كنت حتجنن واعرف ليه ؟
بس سألت عليها وعرفت انها من تعريفات الفيجا
تحياتى ليك
وكل سنه وانت طيب ...
emmy :
عودا حميدا يا ايمى
فيين تعليقااااااااااتك من زمان
وحشتينا ..ههههههههه
مقولتيش رأيك برده...مااااااااااشى
على العموم المسامح كريم
سلميلى على نوور بقالى كتير مش بشوفها
كل سنه وانتى طيبة
تحياتى
ياعمر تعليقى معروف انت مدونتك بالنسبة مفتاح لكل لغز او مشكلة بتقابلنى على الكمبيوتر
تحياتى
ايمى
مش بقلك يا عمرو انك احلى حاجة حلوة فى رمضان
دايما بتلاقى حلول لمشاكل كتيرة
انت عارف يا أصغر مبرمج انك بتفكرنى بنفسى
كنت دايما بدور على حل غير معروف
المهم شكرا على حلولك الجميلة
ورمضان كريم
أختك smilyrose
وردشان سابقا
إيمى :
بكاااااااااااشة اووووووووى
ههههههههه
ماشى يا أيمى بس خلينا نشوفك ع النت بس
وسلمى على نورى
سلام
SmilyRose :
شكرا لمرورك يا وردشان سابقا ..ههههه
شرفتينى
كل سنه وانتى طيبة
انا بفكرك بنفسك ؟؟؟؟
انا بس بحب الاسرار بتاعت الكمبيوتر
يعنى الحاجات الخبيثة اللى مش كتيير عارفينها
هههههههههه
تحياتى ومتغبيشششششش تانى عاوزين نشوف تعليقاتك دايما
جزاك الله خيرا على هذا المجهود
يمكن انا كنت عارف الابشن ده بس عمرى ما استخدمته
بس هجربه علشان خطرك
وياريت تشرفنى على ندونة العائله
my-seada.blogspot.com
أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان
أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان
اششششششششششطه موضوع تحفه بجد
والله يا ابني انت كنز للغلابةاللي زيي
تسلم يا عمر بجد علي موضوعاتك ودروسك الجميلة دي
كل سنة وانت طيب
ورمضان كريم
رمضان كريم يا عمر
وماشاء الله عندك معلومات كتيييير عن الكمبيوتر ربنا يوفقك كمان
:)
كل سنة وانت بالف صحه وعاافيه يا عمر
والى الله اقرب
ربنا يتقبل منا الصيام والقيام وسائر الاعمال
.........
اااه الدرس ده كنت بدور من زماان ازاي اجيب الخاصيه دي ..انى اضغط شفت ويتغير وضع استعداد الى اسبات
بجد موضوع جميييل ومفيد جدااا
ربنااا يسعدك يااارب ...ويحفظك ..ونشوفك مهندس كبييير
تحياتي
كلمة :
شكا لييك يا بسام على مرورك
شرفتنى بجد...
ههههههه
حتجربة عشان خاطرى وحتدعيلى
تحياتى
نهر الحب :
أليك يا من اخصة بدعاء لا اخفية .....لا أبقى الله لك زنبا الا ويمحيه ولا هما الا ويجلية ولا خيرا الا واليك يهدية
أسأل الله الذى سألتيه ..الذى لا يرد التائبين..الذى اشرقت الشمس بنور وجهه الكريم...وبفضلة اصبحت انا على ما فيه..وبمنته التى من على بها وجعلنى من المسلمين..ان يسقيق من يد الرسول الكريم شربتة لا تظمئين بعدها أبدا ..
باقى الردود فى وقت لاحق
عزيزي المبرمج المحترف
موضوع جميل
ربنا يجعله مفيد لكل الناس يارب
وفكرة كويسة
انا طبعا مش هستفيد منها
لاني بطلت استخدم ويندوز اصلا من اكتر من سنة
وانا بستخدم حاليا ويندوز سفن
عقبال كل المدونين
تحياتي
تامر الحسيني
انسان عاشق حر
المدونه تدل على انك مبرمج محترف ورمضان كريم
كيار :
ههههههههه
اجيب رغيفين واجيلك...هههههههههه
كل سنه وانتى طيبة
نورررررررررى :
يااااااااااه وحشتنا تعليقاتك
فينك...مش باينه ليه ..
كل سنه\ وانتى طيبة يا نور
خلينا نشوفك يا غلبانه...ههههههههه
صفا :
دى اول زيارة وانا\ سعيد بيها جدا
ويارب تتكرر
كل سنه وانتى طيبة
سارة _ عبد الهادى
كل سنه وانتى طيبة يا سارة انتى وعبد الهادى ...
اكييد الموضوع دا نفعك ..ههههههههه
يارب يحقق لك كل امانيكى ..
تحياتى
تامر الحسينى :
شرفتنى ..
ويندوز
Windows seven ultimate m1
على فكرةانا بشتغل بيه برده
وفيه هيبرنات برده
تحياتى
وكل سنه وحضرتك طيب
مبرمج محترف بجد
جزاكم الله خيرا
عاوزييييييييييييييين كمان مش تتأخر علينا
سلاموووووووووووووووز
ايه ده مبرمج محترف لا اجمل ولا اروع
مستنى حجات تانيه كتيييييييييير
تحــــياتـــــى
ما شاء الله فعلا مبرمج محترف
ما شاء الله
بجد انا مبهرة جدا بس عندى سؤال
ايه الفرق بينه و بين ستاند باى
يعنى بس شد الفيشة
و كل عام و انتم بخير
رمضان كريم
و تحيااااتى
خالد فودة :
ربنا يباركلك وشكرا على الرد ...
وسرعة الاستجابة .
كل سنه وحضرتك طيب
تحياتى
احمد أشرف :
اول زيارة وبجد انا سعيد بيها جداااا
وياريت نشوفك كتيير
تحياتى
خديجة محسن :
شرفتينى بجد وياريت يدوم التواصل
بصى بقا
الفرق ما بينها وما بين الستاند باى
الفيشة زى ما قلتى بالظبط
والاستاند باى بتبقا مستهلكه كهربا اكيد
ولجهاز بيبقا مفتوح بردة
ولو شلتى الفيشة كل حاجه راحت
بس كدا
كل سنه وحضرتك طيبة
وياريت نشوفك دايما
مبرمج باشا
فعلا حكاية الهايبرنيشن دي مفيدة جدا جدا
و علاطول بعملها
جامد شرحك المبسط استمر بقي و كل سنة و انت طيب
معلومات مجانية مفيدة
وان كنت اشك انها مجانية!!!انت بترشينا عشان ندعيلك عموما هندعى
لأ بجد شرحك جامد حدا وانا واللى زيى محتاجين الحاجات دى والخبرات اللى زيك دى جدا .
ياريت تدخل على الينكات اللى انا حطاها فى البلوج بتاعى (my world )
دول ناس هتستفيد منهم كتييييير جدا
تحياتى
السلام عليكم
كل سنه وانت طيب يا عمر
ورمضان كريم
ده ايه ده بقه ياهندسه
اوعى يكون زى ما بيقولوا
لا سحر ولا شعوزه تعالى معايا وجرب بنفسك
بوست جامد وانشاء الله نحاول نجربها
يالا تحياتى ليك يا عم المبرمج
احمد فاهمى باشا :
شكرا لتعليق مع انك عارف الطريقة ..
كل سنه وانت طيب ..
تحياتى
بنت سيناء:
اول زيارة ...وانا سعيد بيها جدا
اه اهم حاجة الدعاء بظهر الغيب ..
المقابل بتاعوا الدروس ...ههههههههه
كل سنه وانتى طيبة
تحياتى
butturfly :
شرفتينى بجد
وياريت نشوفك دايما انا حروح جررى على اللينكات ..
شكرا ليكى
كل سنه وانتى طيبة
تحياتى
مستر ايجيبت :
ولا سحر ولا شعوذة ...هههههه
ايه ياعم هوا انا بحضر جن
ههههههه
على العمومجرب وقولى الجهاز قالك ايه ..
تحياتى
المبرمج الجامد ما شاء الله عليك ربنا يعينك انت موهوب بجد ربنا يحميك تحياتى لك ولمدونتك ولبوستاتك المفيدة
bery :
ِشكرا ليكى ..بس كدا انا مدخلتش ف اى حاجه من البرمجة ولا جيت جنبها ..انا بس بهىء انى اشتغل ف البرمجة ..
شكرا ع التعليق وعلى اهتمامك ..
كل سنه وانتى طيبة
ههههههههه
لايق البوست على رمضان اوى
تحياتى
متعرفش انا كنت محتاج الحركة دي قد ايه
ألف شكر
طول عمرك معلم
حبيبي
أنا بعلق على موضوع متأخر أوووووي عارف
بس بجد بجد
جميل جدددددددددددا
زمان كانت ال
Hebernate
بتظهر لوحدها عندنا
بعد كدة بقت
Stand by
هههههههههههههه
ما علينا
الكمبيوترات بتكبر وتخرف
ربنا يوفقك في دراستك يا رب
سلام عليكم
Special Designer
اه
بقولك
أنا حسجل مدونتك عندي هه
موافق ؟؟
Special Designer
أنا لما كنت شغال على فيستا في الاول الحركة دي كانت بتخدمني جامد
وزعلت عليها لما رجعت للاكس بي تاني
مكنتش اعرف انها موجودة فيه
بجد بجد ربنا يجازيك كل خير
http://www.achildsplace.org/banners/tramadolonline/#3950 buy tramadolwith cod - tramadol 100mg
http://www.achildsplace.org/banners/tramadolonline/#6568 tramadol online cod - buy tramadolno prescription overnight
http://www.achildsplace.org/banners/tramadolonline/#2592 buy tramadolwith cod - buy tramadol overnight shipping
http://www.achildsplace.org/banners/tramadolonline/#5705 buy tramadol in florida - buy tramadol online cod overnight
Post a Comment